Tơdroăng ki mơjiâng 5 Tôh pêi cheăng mơhno ivá khŏm mơeăm pơhlêh nếo túa pơkuâ dêi kong pơlê Dak Lak tiô troăng ki trâu hngế troh pơlê cheăm, ăm ngế ki ối a ko troh a tíu pêi cheăng vâ hnê mơhno tơdrêng, lêi tah xơpá. Pôa Lương Nguyễn Minh Triết, Kăn pơkuâ ngăn Đảng Dak Lak ăm ‘nâi, pơcháu xo tơnêi cho tơdroăng ki kal, pơkâ tơdroăng ki tơbleăng pro mâu tơdroăng tơkêa bro ki kal ƀă tơdroăng ki pêi pro pơkâ pêi thăm mơnhông cheăng kâ tâk péa kơxô̆ dêi kong pơlê.

Ki khât gá ăm hlo, tơdroăng tơkêa ki lâi hrá pơcháu xo tơnêi mê tơdroăng tơkêa bro ki mê hrá tơbleăng, kơxô̆ liăn ‘no pêi cheăng tro kreăng, rôh ki tơ’lêi hlâu mơjiâng pro chiâng tơkâ luâ.

Tiô Kăn pơkuâ ngăn Đảng Dak Lak, kong pơlê nôkố ai 265 tơdroăng tơkêa bro dế trâm pá ‘na pơcháu xo tơnêi. Cheăng mơjiâng 5 tôh pêi cheăng rôh kố cho vâ tơkŭm lêi tah mâu tơdroăng tơvâ pro tơdâng tơ’mô a 102 to cheăm, bêng tung lâp kong pơlê.