A rôh po tơdroăng, 58 rơpŏng Kŏng an ki kơhnâ rơkê châ hâk tơngăm, teăng mâ ăm lối hrĭng rơpâu rơpŏng tung tâi tâng khu Kŏng an kuăn pơlê. Rêm rơpŏng ai môi tơdroăng rêh ối phá dêi rơpó, ai môi tơdroăng krê, la pơrá trâm dêi rơpó a môi tíu tơdjuôm cho pleăng dêi hnoăng hlâ rêh, veăng gum ƀă chiâng ngế ki rơtế tŏng gum dêi kơnốu kơdrâi pêi klêi hnoăng cheăng.

Tơpui hnê mơhno a rôh po tơdroăng, Thươ̆ng tươ̆ng Lê Quốc Hùng, Phŏ ngế xiâm ngăn Kŏng an tối nhên, ƀă khu lêng kŏng an kuăn pơlê, rơpŏng hngêi vâi cho ngế ki krá rơdêi, cho tíu tŏng gum hiâm mơno ivá vâ rêm ngế kŏng an tơkâ luâ mâu tơdroăng ki pá puât, rak tŭm tơdroăng tơhrâ xua tơdroăng cheăng rak vế gâk kring Tơnêi têa.

Pôa Lê Quốc Hùng xuân rơhêng vâ rêm rơpŏng Kŏng an pơtối mơdêk khôi hmâ, hnê hriâm kuăn ‘nĕng rêh ối ai tuăn tơmiât rơkê tơtro, veăng gum mơjiâng khu kŏng an rế hía rế rơdêi tung chal mơnhông nếo dêi tơnêi têa.