Kong pơlê Quảng Ngãi (nếo)
Thứ hai, 10:15, 30/06/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Tơdrêng ƀă lâp tơnêi têa, mâu kơpong Tây Nguyên ƀă kơpong kĭ têa kơxĭ Nam Trung bộ xuân tơbleăng mâu pơkâ ‘na tơdroăng mơngế ki cheăng, khu kăn râ kong pơlê ƀă râ cheăm ki nếo. Mâu pơkâ kô xêt ƀă pêi cheăng hlối sap kơxo ah hâi lơ 1/7/2025. Tơdroăng tối nhên ‘na tíu pêi cheăng tơnêi têa dêi mâu kong pơlê ƀă mâu kăn Vi ƀan kuăn pơlê mâu kong pơlê tiah kơ’nâi kố.
Kong pơlê Quảng Ngãi (tơmot chiâng môi ing kong pơlê Quảng Ngãi ƀă kong pơlê Kon Tum) ai ƀăng tơnêi lối 14.800km2, pơ’leăng mâ mơngế 2,2 rơtuh ngế.
Klêi kơ’nâi rah xo bro lế lĕm, kong pơlê Quảng Ngãi ai 96 tíu pêi cheăng râ cheăm, ai 86 cheăm, 9 bêng ƀă 1 đăk khu. Tung mê ai 5 cheăm ôh tá tơmot chiâng môi mê cho Đăk Long, Ba Xa, Rờ Kơi, Mô Rai, Ia Đal.
Pôa Nguyễn Hoàng Giang (Kăn hnê ngăn Vi ƀan kong pơlê Quảng Ngãi ton) châ Ngế pro xiâm hnê ngăn Chin phuh rah xo pro Kăn hnê ngăn Vi ƀan kong pơlê Quảng Ngãi (nếo) hneăng hơnăm 2021 – 2026.
Vi ƀan kong pơlê Quảng Ngãi (nếo) ai 3 Phŏ Kăn hnê ngăn, mê cho jâ Y Ngọc, pôa Trần Phước Hiền, pôa Nguyễn Ngọc Sâm.
Viết bình luận