Tơdroăng tơkêa kố ai tâi tâng kơxô̆ liăn ‘no vâ chê 10.000 rơtal liăn, ki xŏn vâ chê 145 km, ăm 6 toăng rơxế kơtâu, pro 2 to kông kơxái văng Phú Hài ƀă Cà Ty rơtế ƀă vâ chê 85 ha tơnêi ki hdi xo ing têa kơxĭ. Ngế ki ‘no liăn pro châ pơkâ thế chêh pro klêi hồ sơ, pơtroh ăm Khu pơkuâ ngăn tơdroăng tơkêa ‘no liăn pro kơxô̆ 2 hdrối hâi lơ 30/9/2026.

Drêng hiăng pro klêi, troăng ki kố châ tơngah chiâng tơnêi tơníu kơphô̆, thăm mơnhông tơdjêp troăng prôk, thăm mơdêk mơnhông ôm hyô, tê mơdró ƀă mơdêk tơƀrê tơdroăng ki tăng xo tơnêi a kĭng têa kơxĭ. Vi ƀan hnê ngăn kong pơlê Lâm Đồng pơcháu ăm khu râ, kơvâ cheăng ki ai tơdjâk hriăn ngăn mâu tơdroăng xơpá, tơvâ tung pơla pro tơdroăng tơkêa, mơnhên nhên ƀăng tơnêi ki ai xo liăn xúa tơnêi, liăn mung tơnêi, mơnhên nhên ki kơnâ dêi tơnêi vâ mơhá, tê tơbriât tơnêi xo liăn ăm tơdroăng kố.