A rôh pêi cheăng, pôa Lê Minh Hưng tối nhên, tơdroăng cheăng kâ dêi kong pơlê Lạng Sơn kơnôm a tê mơdró a kơchơ tơkăng kong, mơdró a tíu tơkăng kong ƀă mâu kơvâ cheăng ai pơxúa ki châ hên ta hâi ai to lâi; ối iâ tơmeăm ôm hyô ki lĕm; cheăng kơmăi kơmok ối kơnôm a tơmeăm tung kơdâm tơnêi, tơmeăm mơjiâng pro hngêi trăng ƀă mâu tơmeăm pơxúa ki châ hên iâ tâk iâ. Ngế pro xiâm hnê ngăn tơnêi têa tối nhên, hlá mơ-éa pro dêi kong pơlê Lạng Sơn hrá ‘mâi hơ’lêh, dêi khu mâu kong pơlê ai pơxá ối pá xôp iâ má môi tung lâp tơnêi têa ƀă kố cho tíu ki pá kân ƀă tơdroăng tơ’mot khu ‘no liăn pêi cheăng.

Tung la ngiâ, Ngế pro xiâm hnê ngăn tơnêi têa pâ thế kong pơlê Lạng Sơn pơ’lêh nhên mâu khu pêi cheăng ‘na hlá mơ-éa chêh tâk 6 khế mơ‘nui hơnăm ƀă mơ -eăm, pêi tiô, pêi tro, tơbleăng pêi kơtăng vâ ai tiô pơkâ pêi tâk 10% tung hơnăm kố. Tung mê, mơnhên túa ki tâk tơtro ƀă ki ai hlâu dêi kong pơlê tơkăng kong.