Hâk ro kong pơlê Phú Thọ ai Tơdroăng tơkêa bro ‘na mơdêk tơtêk péa kơxô̆, Ngế pro xiâm hnê ngăn kong pơlê Phú Thọ pơtối mơ-eăm, khŏm mơ-eăm hên, ai troăng tơmiât nếo, troăng pêi nếo vâ châ pơkâ tơtêk 11% tơngi klêng. Ngế pro xiâm hnê ngăn tơnêi têa pơkâ thế Phú Thọ hbrâ tŭm tơdroăng vâ tơdah, xing xoăng ƀă pêi pro tơdrêng mâu tơdroăng pơkâ tơnêi têa hneăng hơnăm 2026 – 2030 klêi kơ’nâi châ Tơnêi têa pơcháu kơxô̆ liăn; mơjiâng pơkâ pêi mơ’no liăn cheăng iâ khế hneăng hơnăm 2026 – 2030 tơniăn pơkâ chêh inhên tơdroăng cheăng -  rêh ối pơlê pơla, mơnhên ki châ tơƀrê mơ’no liăn cheăng ahdrối xing xoăng kơxô̆ liăn.

Ngế pro xiâm hnê ngăn tơnêi têa pơkâ Tỉnh ủi Phú Thọ tơtrŏng tơdroăng mơjiâng Đảng ƀă mơjiâng khu cheăng kal kí kong pơlê tơrŭm, môi tuăn sap apoăng troh tá tui lui, krúa lĕm, ó rơdêi, gum kuăn pơlê, khu tê mơdró.