VOV4.Xơ Đăng - Hâi lơ 16/7, tơbleăng hnê mơhno a hneăng hôp mơdêk ‘no liăn mơjiâng tơmeăm khoăng, Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng, Kăn xiâm hnê ngăn Vi ƀan rêm râ kong pơlê tơkŭm pêi mâu pơkâ Chin phuh, hnê mơhno pơtroh kơthô dêi Ngế pro xiâm hnê ngăn Chin phuh ƀă mâu tơdroăng chêh tung hlá mơ-éa hnê mơhno dêi Chin phuh ‘na mơhnhôk xing xoăng, ăm liăn ngân vâ mơjiâng tơmeăm khoăng tơnêi têa hơnăm 2024.

VOV4.Xơ Đăng - Kơxê lơ 16/7, a Hngêi Kuô̆k hô̆i, tơkŭm po Leh tơbleăng mơhno kơxôp mơ-éa ‘’Kuô̆k hô̆i tung tơdroăng pơhlêh nếo tơxâng pơkâ mơjiâng pro, kêi đeăng Tơnêi têa pơkuâ tiô luât xah hô̆i chuh ngiah Việt Nam’’ dêi pôa Nguyễn Phú Trọng, Kăn xiâm pơkuâ hnê ngăn Đảng.

VOV4.Xơ Đăng - Hâi lơ 16/7, Vi ƀan kong pơlê Lâm Đồng ai hlá mơ-éa pơtroh tơdrêng hnê mơhno ăm mâu kơ koan, tíu pêi cheăng, mâu tơring, pơlê kong kơdrâm tung kong pơlê thâ tơbleăng mâu troăng rơhlâ hbrâ ví ƀă kong rơdâm ƀă kong mêi kân. Khŏm djâ kuăn pơlê ki ối a kơpong klong, rơ-iêu, troăng têa rơlêa, tíu têa  lăm ối a tíu tơniăn.

VOV4.Xơ Đăng - Kơvâ rak ngăn loăng kong dêi kong pơlê Dak Lak dế tơkŭm mơdêk rĕng pêt kong tung rơnó mêi ƀă pơkâ pêt nếo 1.800 ha kong.

VOV4.Xơ Đăng - Kơxo lơ 16/7, a Hà Nội, pôa Phạm Minh Chính, Ngế pro xiâm hnê ngăn tơnêi têa pơkuâ Hneăng hôp mơdêk mơ’no liăn cheăng tơnêi têa hơnăm 2024.

VOV4.Xơ Đăng - Tơdrốu khế apoăng hơnăm kố, cheăng kâ Pơlê kong kân Đà Nẵng châ kơlo tâk 5%, nâp liăn châ 70% túa pơcháu tung hơnăm, tâk lối 31% tâng vâ pơchông ƀă khế kố hơnăm nah.

VOV4.Xơ Đăng - Drêng troh tơbâ 74 hơnăm hâi Khu droh rơtăm Việt Nam lăm pleăng hnoăng tơná pêi cheăng kâ - rêh ối (15/7/1950 - 15/7/2024), kơxê hâi lơ 15/7, a tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm hnê ngăn tơnêi têa hiăng trâm mâ mâu kăn Khu droh rơtăm Việt Nam lăm pleăng hnoăng tơná pêi cheăng kâ - rêh ối drêng troh hâi Veăng hôp mâu kăn ƀô̆ tung tung lâp tơnêi têa dêi Khu droh rơtăm Việt Nam  lăm pleăng hnoăng tơná pêi cheăng kâ - rêh ối.

VOV4.Xơ Đăng - Hâi lơ 15/7, jâ Võ Thị Ánh Xuân -  Kăn xiâm phŏ hnê ngăn tơnêi têa rơtế ƀă mâu Kăn Kuô̆k hô̆i kong pơlê An Giang hiăng ai rôh trâm mâ kuăn pơlê a pơlê kong krâm tơkăng kong Tịnh Biên, kong pơlê An Giang klêi rôh hôp má 7, Kuô̆k hô̆i hneăng 15.

VOV4.Xơ Đăng - Hâi lơ 15/7, hlo tơdroăng kong mêi kân tung lâp lu, kong pơlê Lâm Đồng hiăng tối tơbleăng tơdroăng ki mơno tơnêi kô tơhnah a kong pơlê, malối cho a mâu kơpong ki ai tơnêi ngo rơnâk.

VOV4.Xơ Đăng - Kơxo lơ 15/7, a Hà Nội, pôa Phạm Minh Chính, Ngế pro xiâm hnê ngăn tơnêi têa, Ngế xiâm pơkuâ Khu hnê mơhno cheăng Hơ’lêh chêh bro hlá mơ-éa dêi Chin phuh pơkuâ po rôh hôp má 8 dêi Khu hnê mơhno cheăng vâ mơnhên tối klêi kơ’nâi tơbleăng hnoăng cheăng hơ’lêh chêh bro hlá mơ-éa 6 khế apoăng hơnăm 2024 ƀă túa tơmiât, hnoăng cheăng 6 khế mơ’nui hơnăm 2024.