VOV4.Xơ Đăng - Kơxo lơ 21/5, Khu ngăn Túa lĕm tro, Tơ’noăng ivá ƀă Ôm hyô tơrŭm ƀă Khu ngăn Hnê hriâm ƀă hnê mơjiâng tuăn ngoâ rơkê kong pơlê Kon Tum tơkŭm po leh pơxiâm po rơnó pơtê hriâm, hâi Olympic vâi hdrêng ƀă tơbleăng ăm tâi tâng kuăn pơlê hriâm klê têa vâ hbrâ ví klâk têa, ƀă tơdroăng ki veăng dêi lối 1.300 ngế o phô̆m vâ xông kân.

VOV4.Xơ Đăng - Kơxê hâi lơ 20/5, a rôh hôpmá 7, Kuô̆k hô̆i hneăng 15 hiăng pê klêi tơdroăng tâ phĭu rah xo Kăn xiâm hnê ngăn Kuô̆k hô̆i hneăng 15, hneăng hơnăm 2021-2026.

VOV4.Xơ Đăng - Kơxê lơ 20/5, Hneăng hôp má 7, Kuô̆k hô̆i hneăng má XV hiăng tơmâng tơbleăng tơdroăng châ tơƀrê pêi pro kơdĭng, hbrâ mơdât mơ’nhê tê kơtê tung hơnăm 2023.

VOV4.Xơ Đăng - Kơxê hâi lơ 20/5, Đăi tươ̆ng Tô Lâm, Ngế cheăng tung khu xiâm Kal kí, Ngế xiâm pơkuâ kŏng an hiăng tơdah pôa Agus Adrianto, Kăn phŏ pơkuâ kăn sat kong têa Indonesia.

VOV4.Xơ Đăng - Kơxo lơ 20/5, a rôh hôp Hneăng hôp má 7, Kuô̆k hô̆i hneăng 15, xua tơdroăng ki châ pơkâ thế dêi Ngế pro xiâm phŏ hnê ngăn Chin phuh, pôa Lê Minh Khái, Ngế pro xiâm phŏ hnê ngăn tơnêi têa pơchuât hlá mơ-éa mơnhên tối ‘mot tơ’nôm klêi kơ’nâi pêi pro túa pơkâ mơnhông cheăng kâ rêh ối pơlê pơla ƀă liăn ngân tơnêi têa hơnăm 2023; tơdroăng pêi pro túa pơkâ mơnhông cheăng kâ rêh ối pơlê pơla ƀă liăn ngân tơnêi têa mâu khế apoăng hơnăm 2024.

VOV4.Xơ Đăng - Kơxo lơ 20/5, xuân a roh pơxiâm po Hneăng hôp má 7, Kuô̆k hô̆i hneăng má XV, pôa Đỗ Văn Chiến, Kăn xiâm pơkuâ Vi ƀan xiâm Măt trâ̆n Tơnêi têa Việt Nam hiăng tơbleăng tâi tâng rơkong tơpui tối, pâ thế dêi kuăn pơlê ki ai hnoăng tâ phĭu ƀă kuăn pơlê pơtroh hneăng hôp roh kố.

VOV4.Xơ Đăng - A pơlê kong kơdrâm Huế, kong pơlê Thừa Thiên Huế, po Rôh hôp Hô̆i đong Xing xoăng Kơpong Bắc Trung ƀộ ƀă a kĭng têa kơxĭ Tơdế Tơnêi têa rôh má 4.

VOV4.Xơ Đăng - Klêi kơ’nâi rơnó tôu mơdrăng, mâu kong pơlê a kơpong Tây Nguyên hiăng hbrâ tơnáu pêi pro tŭm mâu tơdroăng vâ hbrâ ví xía vâ xua kong mêi khía mơhot kân. A  pơlê kong kơdrâm Ƀuôn Ma Thuột, kong pơlê Dak Lak, cho kơphô̆ ki ai pêt loăng pro drêh ngiât troăng kơphô̆ hên má môi tung lâp tơnêi têa, khu kŏng nhân ki pêt loăng thăm rế pêi hên tơdroăng cheăng, ing tơdroăng rak ngăn hdrê loăng, ‘mâi pêt hdrê loăng, mâu nhâ drêh ƀă pêi pro mâu tơdroăng ki hbrâ mơdât loăng tro tơđôu, kơtong. Hiâm mơno mơjo pâ dêi hnoăng cheăng dêi mơngế kŏng nhân plâ hơnăm xuân kơhnâ khât ƀă tơdroăng po văng, rak ngăn reăng, nhâ, loăng, ing mê, veăng kum mơjiâng pro pơlê kong kơdrâm krúa lĕm, ai kong.

VOV4.Xơ Đăng - Khu ngăn tơdroăng mơjiâng Trường Sơn - kong pơlê Gia Lai nếo tơkŭm po Leh tơbâ 65 hơnăm hâi mơjiâng Mố đô̆i Trường Sơn (19/5/1959- 19/5/2024).

VOV4.Xơ Đăng - Kơxo lơ 19/5, pôa Phạm Minh Chính, Ngế pro xiâm hnê ngăn tơnêi têa tơbleăng “Chêh inâi pleăng mô, kliâm klêa tŏng pơlât mơngế - Ăm gá u ối đi đo”.