VOV4.Xơ Đăng - Kơxo hâi lơ 5/9, a tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng diâp Pơkâ pôk pôa Nguyễn Minh Tâm pro Kăn teăng mâ Tơnêi têa Việt Nam a kong têa Lếo.

VOV4.Xơ Đăng - Hâi lơ 5/9, khu lăm séa ngăn kơxô̆ 1350 dêi Khu xiâm Kal kí xua pôa Phan Đình Trạc, Ngế cheăng tung Khu xiâm kal kí, Kăn hnê ngăn Tíu xiâm Đảng, Ngế pơkuâ Khu cheăng tăng ‘nâi plĕng mâu tơdroăng tối ăm tíu xiâm pơkuâ djâ khu kăm lăm pêi cheăng ƀă Khu kăn Đảng kong pơlê Bến Tre.

VOV4.Xơ Đăng - Kơxê hâi lơ 5/9, Hô̆i đong Kuăn pơlê kong pơlê Lâm Đồng tơkŭm po hôp rôh má 18 vâ têk kŏng tiâ vâ tơdroăng pơkâ tơ’mot 3 tơring peăng Hdroh dêi kong pơlê chiâng môi tơring ki nếo.

VOV4.Xơ Đăng - Kơxo hâi lơ 5/9, rơtế ƀă tơdroăng xah hêi ro dêi hâi leh mot hơnăm hriâm nếo dêi lâp tơnêi têa, pôa Phạm Minh Chính, Ngế pro xiâm hnê ngăn tơnêi têa tơdah hơnăm hriâm nếo rơtế ƀă thái cô ƀă hok tro hngêi trung râ má péa Nguyễn Đình Chiểu, Hà Nội.

VOV4.Xơ Đăng - Kơxo hâi lơ 5/9, mâu hngêi trung hriâm tung kong pơlê Dak Lak hiăng tơkŭm po leh mot hơnăm hriâm nếo 2024-2025.

VOV4.Xơ Đăng - Tơdroăng djâ xĕn kuăn pơlê châ Vi ƀan bêng 3, pơlê kong kơdrâm Đà Lạt pêi pro tơdrêng hlối tung kơxo hâi lơ 5/9, ƀă 5 rơpŏng kuăn pơlê, 13  pơ’leăng mâ mơngế, ối a hẻm 23 troăng An Bình.

VOV4.Xơ Đăng - Pôa Nguyễn Đức Hải, Kăn xiâm phŏ hnê ngăn Kuô̆k hô̆i Việt Nam pơkuâ roh tơpui tơno ƀă Kăn xiâm phŏ hnê ngăn Kuô̆k hô̆i kong têa Lếo Sổm - Mạt Phôn - Xể- Na.

VOV4.Xơ Đăng - Hâi kố, lơ 5/9, dâng 25 rơtuh ngế hok tro, sinh viên tung lâp tơnêi têa hiăng păng ‘nâng mot a hơnăm hriâm nếo 2024 – 2025.

VOV4.Xơ Đăng - Ngế pro xiâm hnê ngăn Chin phuh nếo pơkâ hnê mơhno ‘na tơdroăng thăm mơdêk mâu tơdroăng rak vế tơniăn pêi pro tơƀrê hnoăng cheăng hơnăm hriâm 2024-2025.

VOV4.Xơ Đăng - Kơvâ ngăn hnê hriâm ƀă hnê mơjiâng tuăn ngoâ rơkê ƀă khu kăn pơkuâ mâu tơring a Kon Tum hiăng hbrâ rơnáu túa pơkâ tơkŭm po leh pơxiâm mot hơnăm hriâm nếo tung tơdroăng ki ai kong mê têa kân.