VOV4.Xơ Đăng - Kơxo lơ 28/5, Khu pơkuâ hnê ngăn cheăng Đảng kong pơlê Kon Tum hiăng tơkŭm po Leh tơbleăng ƀă diâp Pơkâ dêi Khu xiâm kal kí môi tuăn pôa U Huấn, Ngế ki hbrâ vâ mot tơ’nôm tung Khu pơkuâ hnê ngăn Đảng to pro Kăn phŏ pơkuâ hnê ngăn cheăng Đảng kong pơlê Kon Tum.

VOV4.Xơ Đăng - Kơxo lơ 28/5, Khu ngăn vâi kơdrâi kong pơlê Dak Lak tơkŭm po rôh hôp tơpui tơno ăm rơkong veăng tối ‘na Kơxop hlá mơ-éa Luât hbrâ mơdât tê roê mơngế.

VOV4.Xơ Đăng - Kơxê lơ 27/5, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hiăng tơdah jâ Manuela V.Ferro, kăn xiâm phŏ hnê ngăn Hngêi rak liăn lâp plâi tơnêi dế pôu, pêi cheăng a Việt Nam.

VOV4.Xơ Đăng - Kơmăng hâi lơ 27/5, a cheăm Tịnh Biên, kong pơlê An Giang hiăng pơxiâm pro leh po kơchơ tê mơdró tơkăng kong lâp plâi tơnêi Tịnh Viên- An Giang  hơnăm 2024.

VOV4.Xơ Đăng - A Rôh hôp “Mơdêk rơkê mâu ngế pêi cheăng Tơnêi têa hơnăm 2024” xua Khu xiâm ngăn pêi cheăng Việt Nam tơkŭm po, Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng, kơ koan, kong pơlê chêh tơkŭm tŭm mâu rơkong pơkâ mơ’no đoân viên, ngế pêi cheăng vâ chêh pro klêi troăng tŏng kum.

VOV4.Xơ Đăng - Kơxo lơ 27/5, pôa Trần Hồng Hà, Ngế pro xiâm phŏ hnê ngăn tơnêi têa pơkuâ roh hôp tơdrêng, hlối mơ’no tơdrêng tung um tiô troăng hyôh măng lâp tơnêi têa ‘na mơ-éa chêh hdrối Pơkâ pơkuâ ƀă mơjiâng hngêi ối pơlê pơla.

VOV4.Xơ Đăng – Nôkố,  hrĭng km rơchôa ki hdoăng têa vâ toh ăm lối 8 rơpâu 200 ha báu loăng plâi a tơring tơkăng kong Ea Súp, kong pơlê Dak Lak hiăng tơ’nhiê ó, tơdjâk troh tơdroăng ki vâ pêi cheăng tơbrê dêi kuăn pơlê. Mơhé rêm hơnăm xuân hiăng ăm liăn ki vâ ’mâi rơnêu bro, la xua kơxô̆ liăn ki ăm ‘mâi rơnêu mê bú iâ, tơdroăng ‘mâi rơnêu krâ rơchôa hiăng ôh tá kâi ‘mâi rơnêu tâi mâu tíu ki hiăng tơ’nhiê.

VOV4.Xơ Đăng - Mot măng tĭng pêi cheăng má péa dêi Hneăng hôp má 7, Kuô̆k hô̆i hneăng má XV, mâu kăn teăng mâ mơdoh plâ hâi lơ 27/5 vâ tơpui tơno tơdroăng tơkêa bro Luât Ƀaoh hiêm pơlê pơla (‘mâi hơ’lêh).

VOV4.Xơ Đăng - Kơxo hâi lơ 26/5, a tơring Krông Bông, khu pơkuâ ngăn Đoân Droh rơtăm kong pơlê Dak Lak hiăng tơkŭm po Leh ăm mâu droh rơtăm lăm pleăng hnoăng cheăng a rơnó pơtê hriâm ƀă lăm pêi cheăng a hâi tĭng mơgrúa lĕm rôh má 2 hơnăm 2024. 

VOV4.Xơ Đăng - Kơxo hâi lơ 26/5, pôa Phạm Minh Chính, Ngế pro xiâm hnê ngăn Chin phuh pơkuâ Hôp tối tơdroăng hiăng pêi pro tiô Pơkâ ‘na tơdroăng tơrŭm pơla  Chin phuh ƀă Khu xiâm ngăn mơngế pêi cheăng Việt Nam.