VOV4.Sêdang - Rơtế [ă mâu túa pơkâ mơjiâng thôn pơlê nếo, tung pơla achê kố, túa pơkâ tíu ki păn tơmeăm dế ối châ po rơdâ a cheăm Bình Thạnh, tơring Đức Trọng, kong pơlê Lâm Đồng xuân ai mâu tơdroăng ki veăng kum, hơ’lêh nếo tung pêi chiâk deăng dêi tơring. Troăng rơhlâ mơnhông mơdêk kố ôh ti xê tơ-[rê ‘na cheăng kâ mê ối tăng hên cheăng pêi ăm mâu ngế pêi cheăng tung cheăm.

Tiô Khu ngăn mâu kuăn pơlê ki pêi chiâk pêi deăng cheăm Bình Thạnh, tơring Đức Trọng tối, nốkố tung lâp cheăm ai vâ chê 60 tíu ki păn kế tơmeăm dêi mâu rơpo\ng. Tung mê, ki hên cho tíu ki păn chu [ă vâ chê 30 rơpâu to [ă tíu ki păn í lối 700 rơpâu to. Tơdroăng ki păn to lâi hơnăm achê kố pơrá châ dâng 120 rơtal liăn, châ lối 50% tung tâi tâng tơdroăng ki pêi chiâk pêi deăng dêi cheăm. Malối, ai mâu tíu păn ki hên [ă lối chât rơtal liăn [ă rêm khế pêi lo liăn ngân 350 troh 400 rơtuh liăn. Pák^ng mê, tung cheăm Bình Thạnh xuân dế mơdêk re#ng túa ki păn oăng pơla kơdrum kơphế [ă túa ki păn ro xo têa tôu, [ă lối 70 rơpo\ng păn oăng, păn lối 3 rơpâu kơthung oăng, 10 rơpo\ng păn ro xo têa tôu, [ă tâi tâng ai chê 100 to.

                                                     Túa ki păn ro xo têa tôu a cheăm Bình Thạnh.

Rơtế [ă tơdroăng ki mơnhông mơdêk túa cheăng kâ ‘na tíu păn tơmeăm, mê pêi lo liăn rêm ngế kuăn pơlê tung cheăm ôh tá pơtê, đi đo châ mơdêk: Tâng môi tiah hơnăm 2010 pêi lo liăn dêi kuăn pơlê a cheăm Bình Thạnh bu nếo châ 19 rơtuh liăn môi ngế tung môi hơnăm, mê troh hơnăm 2013 hiăng tâk troh 37 rơtuh liăn môi ngế tung môi hơnăm [ă dế ối mơ-eăm châ 40 troh 42 rơtuh liăn môi ngế tung môi hơnăm tung hơnăm 2014. Mâu tơdroăng ki tơ-[rê kố dêi mơnhông mơdêk [ă túa po rơdâ cheăng kâ tíu păn tơmeăm tiô troăng ki mơdêk ki kơnía tung pêi cheăng kâ krá tơniăn hiăng kum kal khât tung tơdroăng ki mơjiâng thôn pơlê nếo dêi cheăm drêng kuăn pơlê hiăng hluăn ing kơtiê, pêi lo hên liăn ngân [ă ‘’ai kế tơmeăm kâ, liăn ngăn kơd^ng’’.

Pôa Lê Minh Tân, kăn pho\ pơkuâ ngăn Đảng cheăm Bình Thạnh ăm ‘nâi: ‘’Túa pơkâ tíu ki păn tơmeăm a cheăm hiăng châ pơxiâm mơjiâng [ă ôh tá la lâi pơtê châ po rơdâ. Tơdroăng ki mơnhông mơdêk cheăng kâ dêi tíu păn tơmeăm hiăng veăng kum kuăn pơlê tung cheăm mơdêk tơdroăng ki pơxúa, po rơdâ túa ki pêi cheăng kâ, mơdêk tơdroăng ki dâi le#m, châ tơ-[rê [ă ivá tơbriât tung kơchô tê mơdró, veăng kum mơjiâng thôn pơlê rêh ối cheăng kâ tiô túa nếo’’.

 Bu xêo to tung hơnăm 2013, mâu kuăn pơlê cheăm Bình Thạnh hiăng veăng kum lối 1 rơtal liăn [ă pleăng lối rơpâu met karê tơnêi [ă lối hr^ng rơpâu hâi pêi cheăng ăm tơdroăng ki mơjiâng thôn pơlê rêh ối cheăng kâ tiô túa nếo a cheăm.

Ki khât hiăng tối rơdêi, mâu túa pơkâ mơnhông mơdêk ‘na păn tơmeăm tung cheăm Bình Thạnh hiăng pro ai pơxúa khât ‘na tơdroăng cheăng kâ ăm rơpo\ng hngêi [ă veăng kum tơdjuôm ăm tơdroăng ki mơnhông mơdêk cheăng dêi cheăm, tăng tơ’nôm cheăng pêi ăm mâu ngế pêi cheăng [ă pơxiâm mơjiâng môi kơvâ ki păn tơmeăm tơku\m, rơkê, veăng kum mơjiâng châ tơ-[rê tơdroăng ki thôn pơlê rêh ối cheăng kâ tiio túa nếo.

Katarina Nga tơplôu