Pơlê ki nếo inâi Krối, cheăm Đăk Smar, tơring K[ang ai lối 200 toăng hngêi ki krá kâk, krúa le\m châ mơjiâng pro achê dêi rơpó a môi pâ troăng [ê tông djâ mot tơdrăng sap ing a ko pơlê troh mơ’nui pơlê.

Troăng prôk, on tơhrik, têa krúa hum roh jíô rơtế [ă mâu kế tơmeăm ki ê xuân hiăng châ troh a rêm rơpo\ng, pêi pro tiô tơdroăng ki rơhêng vâ ‘na rêh ối rêm hâi dêi mâu kuăn pơlê.

Pôa Đinh Nhô, hdroâng kuăn ngo Bơhnéa, a pơlê Krối ăm ‘nâi, klêi kơ’nâi lối 7 hơnăm lăm rêh ối a kố, mê tơdroăng rêh dêi vâi krâ nho\ng o hiăng tơniăn tâ tâng pơchông [ă a kơtâu ton:

‘’Hdrối vâ lăm rêh ối a kố nah, tơdroăng rêh dêi vâi krâ nho\ng o ối tung kong, gá pá khât. Sap ing pêi pro tơdroăng ki lăm ối a pơlê nếo, hơngế ing hngêi kơmăi on tơhrik An Khê - Ka Nak hlo tơdroăng rêh ối hiăng hơ’lêh hên. Hngêi trăng, troăng prôk, on tơhrik, hngêi pơkeăng hiăng ai tu\m. Vâi krâ nho\ng o phiu ro khât’’.

Rơtế [ă hngêi trăng, troăng klông châ ‘no liăn mơjiâng pro tu\m, vâi krâ nho\ng o pơlê ki lăm rêh ối a pơlê Krối hiăng châ bruô ăm tu\m tơnêi ối, tơnêi pêi tiô pơkâ vâ rak tơniăn tung mơnhông mơdêk cheăng kâ.

Pôa Đinh Lớp, kăn pơkuâ pơlê Krối, cheăm Đak Smar ăm ‘nâi, tiô rêm rơpo\ng tung pơlê châ bruô ăm 400 met karê tơnêi ối [ă vâ chê 2 ha tơnêi pêi kâ. Tung [ăng tơnêi kố, rơtế [ă mâu hdrê loăng pêt môi tiah báu, alâi, pôm, nôkố, vâi krâ nho\ng tung pơlê hiăng pêt kơphế, kơxu, tiu [ă mâu hdrê loăng ton hơnăm ki ê. Mâu hdrê loăng ki mê hiăng ăm châ krí xo plâi, dấi le\m. Kơnôm mê, tơdroăng rêh ối dêi kuăn pơlê hiăng rế hía rế xông tơtêk:

‘’Pơlê Krối hdrối nah gá pá, kơtiê. Sap ing tơnêi têa mơhnhôk thế lăm ối a kố vâi krâ nho\ng o pro pơlê, cheăng kâ, tơdroăng rêh ối vâi krâ nho\ng o hiăng mơnhông mơdêk, phâi tơtô. Pêt hên mâu hdrê loăng mê nôkố vâi krâ nho\ng o ôh tá kơklêa xếo’’.

Hơnăm 2010, cheăm Đăk Smar ai 3 pơlê cho hdroâng mơngế kuăn ngo, [ă lối 220 rơpo\ng kuăn pơlê, vâ chê 1.000 ngế pơ’leăng mâ mơngế pêi pro tơdroăng ki lăm rêh ối a pơlê nếo vâ kum ăm tơdroăng ki mơjiâng Hngêi kơmăi on tơhrik An Khê - Ka Nak.

Ki hên, tơnêi ối a [ă tơnêi pêi chiâk deăng dêi vâi krâ nho\ng o ối tung tơdroăng pơkâ thế hơngế ing kơpong long têa hngêi kơmăi on tơhrik.

Hơnăm ki apoăng, hnoăng cheăng ki vêh lăm rêh ối nếo, cheăng kâ trâm ôh tá iâ tơdroăng xơpá, hên rơpo\ng ôh tá vâ lo dêi ing pơlê ton. {ă ivá mơ-eăm dêi peăng khu ‘no liăn cheăng, khu kăn pơkuâ kong pơlê [ă malối cho tơdroăng mơhnhôk thế, djâ troăng ahdrối dêi mâu ngế ki châ kuăn pơlê loi nhuo#m, kăn pơkuâ thôn, krâ pơlê, mâu tơdroăng ki tơvâ tơvân hiăng châ pơkâ tơleăng.

Nôkố, vâi krâ nho\ng o a mâu pơlê ki lăm rêh ối tung cheăm pơrá hmiân tuăn rêh ối, pêi cheăng kâ. Pôa Đinh A Nhé, kăn pơkuâ chi bộ pơlê Cam, cheăm Đăk Smar, tơring K[ang, kong pơlê Kon Tum, ăm ‘nâi:

‘’Hdrối nah, a long têa vâi krâ nho\ng o a cheăm Đăk Smar xơpá, kơtiê. Sap ing lăm ối a kố mê tơdroăng cheăng kâ dêi vâi krâ nho\ng o hiăng hlo chía niân tâ iâ.

Tơnêi têa mơjiâng pro ăm hngêi ối, tíu ki tâ têa, klôh têa [ă bruô ăm hên klâng pêi 2 rơnó ăm rêm rơpo\ng 2 sào mê tơdroăng rêh ối dêi vâi krâ nho\ng o chía niân tâ.

Đảng ủy, Vi [an [ă mâu khu pú hên dêi cheăm hiăng tơmâng to\ng kum vâi krâ nho\ng o ngin hên khât. Tối tơdjuôm 4 to thôn dêi cheăm Đăk Smar pơrá ai tơdroăng rêh ối tơniăn. Vâi krâ nho\ng o kô mơ-eăm pêi cheăng kâ, mơnhông mơdêk hên tâ mê nếo’’.

Pôa Nguyễn Quý Thao, kăn hnê ngăn Vi [an cheăm Đăk Smar, tơring K[ang, ăm ‘nâi, nôkố tơdroăng rêh ối dêi mâu kuăn pơlê dêi mâu pơlê ki lăm rêh ối nếo tung cheăm hiăng tơniăn.

Cheăm hiăng [ă dế mơ-eăm ‘no ivá vâ tơdroăng rêh ối kuăn pơlê rế hía rế niân tâ, tung mê, tơdroăng ki tơku\m hơ’lêh pêt mâu hdrê loăng dế châ tơmâng ngăn khât:

‘’Troăng hơlâ pơkâ tung la ngiâ ah, [ă khu kăn pơkuâ kong pơlê kô mơhnhôk mâu rơpo\ng kuăn pơlê ai [ăng tơnêi ki ôh tá le\m mê athế pêt kong vâ rak vế kong prâi tơnêi tíu [ă mơdêk tơdroăng ki pêi lo tơ’nôm liăn ngân.

{ă [ăng tơnêi ki lâi le\m mơhnhôk kuăn pơlê pêt mâu hdrê loăng ki ton hơnăm, môi tiah tiu, kơphế. Mâu [ăng tơnêi ki lâi tơtro [ă pêt báu klâng mê ngin xuân mơhnhôk vâi krâ nho\ng o pêt báu vâ pêi lo tơ’nôm liăn ngân’’

Klêi kơ’nâi 7 hơnăm kum tơnêi ối, tơnêi pêi cheăng kâ vâ pêi pro tơdroăng tơkêa bro hngêi kơmăi on tơhrik, tơdroăng rêh ối dêi kuăn pơlê ki lăm rêh ối a pơlê nếo cheăm Đăk Smar, tơring K[ang hiăng hơ’lêh, tơniăn.

A kơpong tơnêi kố, mâu hdrê loăng pêt ton hơnăm dế hlo drêh ngiât le\m a chiâk deăng, kuăn pơlê thăm rế loi tơngah kô ai tơdroăng rêh ối phâi tơtô a tíu ki nếo kố.

            Công Bắc chêh

Katarina Nga tơplôu [ă tơbleăng