VOV4.Sêdang - Pôa Lê Minh Khái, Ngế pro xiâm phŏ hnê ngăn Chin phuh nếo kĭ Pơkâ 1639/QĐ-TTg hâi lơ 29/9/2021 ‘na tơ’nôm kơxô̆ liăn rôe ƀă tơdah 20 rơtuh kung kếo vaccine hbrâ mơdât COVID-19 Vero Cell dêi Grup pơkuâ Sinopharm, kong têa Sinuâ. Pơkâ tối nhên: Tơ’nôm kơxô̆ liăn ăm Khu xiâm pơkuâ ngăn pơkeăng ƀă khăm pơlât vâ rôe ƀă tơdah 20 rơtuh kung kếo vaccine hbrâ mơdât COVID-19 Vero Cell dêi Grup pơkuâ Sinopharm, kong têa Sinuâ môi tiah pơkâ thế dêi Khu xiâm pơkuâ Liăn ngân ƀă Khu xiâm pơkuâ ngăn pơkeăng ƀă khăm pơlât.

Khu xiâm pơkuâ liăn ngân, Khu xiâm pơkuâ ngăn pơkeăng pôu râng hnoăng cheăng ‘na tơdroăng xiâm ƀă tơdroăng chêh tơbleăng. Tơdroăng pơkuâ, xúa, chêl kơxô̆ liăn tối a kơpêng mê pêi pro tiô tro pơkâ, tro tơdroăng vâ pêi pro, kơdĭng, châ tơƀrê, tơbleăng tơdrăng lĕm. Khu xiâm pơkuâ ngăn pơkeăng ƀă khăm pơlât tơbleăng Ngế pro xiâm hnê ngăn Chin phuh tơdroăng xúa kơxô̆ liăn tối a kơpêng tiô pơkâ.

A Sa Ly tơplôu ƀă tơbleăng