Tiô tơkŭm tơdroăng tơkêa bro rah xo tơniăn tơtro dêi mâu kong pơlê, sap ing kố troh hơnăm 2025, 50 tơring ƀă lối 1.200 cheăm tung lâp tơnêi têa kô châ tơ’mot môi vâ kơdroh iâ tơniăn tơtro kơ koan pơkuâ tơnêi têa, kơdroh mơ’no liăn ngân tơnêi têa, mơdêk châ tơƀrê pơkuâ ƀă ki dâi lĕm pêi cheăng tơnêi têa.

Klêi kơ’nâi rah xo tơniăn tơtro tiô tối hdrối mâu kơ koan pơkuâ tơnêi têa râ tơring ƀă râ cheăm pơrá kơdroh. Ki nhên tâi tâng kơ koan pơkuâ tơnêi têa râ tơring pêi pro rah xo tơniăn tơtro cho 50 kơ koan, klêi kơ’nâi rah xo tơniăn tơtro kơdroh 14 kơ koan. Kơ koan pơkuâ tơnêi têa râ cheăm pêi pro rah xo tơniăn tơtro cho 1.243 kơ koan, klêi kơ’nâi rah xo tơniăn tơtro kơdroh 619 kơ koan.

Mơgêi roh hôp, Ngế pro xiâm phŏ hnê ngăn tơnêi têa Trần Lưu Quang mơnhên rah xo tơniăn tơtro kơ koan pơkuâ tơnêi têa râ tơring, râ cheăm hneăng hơnăm 2023 – 2030 cho môi troăng hơlâ ki kân dêi Đảng, Tơnêi têa, tơdrêng amê kheăn kơdeăn tơdroăng mơ-eăm dêi mâu khu xiâm, kơvâ cheăng, kong pơlê tung pêi pro kêi đeăng dâng 60% kơxô̆ tơdroăng pêi cheăng.