Mê cho, mâu ngế ki pêi cheăng hriâm lâm kân, mâu ngế ki rơkê khât kô châ kơjo kum apoăng ki hên 500 rơtuh liăn/ngế, ƀă kơlo kâ liăn khế hên ga 50 rơtuh liăn/ngế/khế. Ƀă Kĭ tơkêa pơkâ xing xoăng tơdroăng cheăng pêi, kơlo ki xoăng ăm pêi ƀă liăn mơhá châ ăm tro tiô tơdroăng hiăng tơhrâ.

Rêm tơmeăm khoăng, tơdroăng tơkêa bro, đề tài ki tí tăng ‘nâi plĕng ‘na khoa hok, troăng rơhlâ pêi, tơdroăng hriăn pro ki nếo ‘na kih thuâ̆t, kơmăi kơmok châ kơ koan, tíu pêi cheăng xiâm ki ai hnoăng chiâng phêp kĭ, mơnhên tối tro kô châ kâ kơxô̆ liăn kơjo kum ki mơhnhôk mê tơ’mô ƀă 1% tung tâi tâng kơxô̆ liăn mơhá ăm kâ ing tơdroăng tơkêa bro.

Tâi tâng kơlo kơjo kum mơhnhôk mê ôh tá iâ tâ 50 rơtuh liăn môi ngế tung môi tơmeăm khoăng. Hâi khế hơnăm tăng tơ’mot mơngế pêi cheăng pơxiâm sap ing khế pŭn hơnăm 2024 troh tâi hơnăm 2027.