Ki nhên ga, ai 3 rơpâu 596 ngế cho mơngế ki ai hnoăng, mơngế hơnăm hiăng krâ dế châ kâ liăn ki tŏng kum, mơngế ki xahpá tung pơlê pơla, mơngế chó chêng, plôm mâ, klêk tuăn, vâi ‘nĕng ôh tá ai nôu pâ, kuăn tê châ tơdah xo hnoăng tơmeăm Têt hơnăm 2024, rêm hnoăng mê kơnâ châ 500 rơpâu liăn.

Pakĭng mê, a tơring xuân hiăng ai 5 rơpâu 366 ngế cho rơpŏng kơtiê, vâ chê kơtiê châ xo tơmeăm dêi rơnó Hơngui Giáp Thìn 2024, rêm hnoăng ki hbru ăm rơpŏng kơtiê mê ai 1 rơpâu liăn. Pôa Võ Tấn Huy - Kăn hnê ngăn Vi ƀan tơring Čư̆ Kuiñ tối tơbleăng, rêm roh Têt troh, rơnó Hơngui vêh, Vi ƀan hnê ngăn tơring đi đo kơjo kum ngăn ăm tơdroăng rêh ối kuăn pơlê ki ai hnoăng tơnêi têa, liăn ngân, kế tơmeăm ki hbru kum ăm mâu rơpŏng kơtiê, rơpŏng vâ chê kơtiê.