Dak Lak: Diâp lối 600 hnoăng liăn ăm hok tro kơtiê hriâm rơkê
Thứ sáu, 14:53, 29/09/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxê hâi lơ 28/9, Viettel Dak Lak tơrŭm ƀă Khu xiâm ngăn hnê hriâm ƀă hnê tuăn ngôa rơkê, Khu mơhnhôk hriâm kong pơlê Dak Lak tơkŭm po tơdroăng diâp hnoăng liăn hriâm “Xua o kơhnâ mơ-eăm hriâm” hơnăm 2023-2024.
Hnoăng liăn hriâm dêi Tơdroăng mê hiăng diâp ăm 710 ngế hok tro a 61 to hngêi trung dêi 11 tơring tung kong pơlê Dak Lak, rêm hnoăng mê ai 2 rơtuh liăn, tâi tâng hnoăng liăn hriâm mê 1 rơtal 220 rơtuh liăn.
Tiô pôa Phạm Đăng Khoa, Ngế pơkuâ Khu xiâm ngăn hnê hriâm ƀă hnê mơjiâng tuăn ngôa rơkê kong pơlê Dak Lak, tơdroăng hnoăng liăn hriâm “Xua o kơhnâ mơ-eăm hriâm” châ Viettel Dak Lak diâp ăm hok tro Dak Lak sap hơnăm 2014 nah. Luâ 9 hơnăm hiăng ai 4.380 hnoăng liăn hriâm châ diâp ăm, tâi tâng kơxô̆ liăn mê 5 rơtal 600 rơtuh liăn. Mâu hnoăng liăn hriâm hiăng veăng kum rơpâu ngế hok tro ki xơpá la kơdôu mơ- eăm hriâm a Dak Lak mơ-eăm troh hngêi trung mơ-eăm kơhnâ tung hriâm.
Viết bình luận