Hơnăm kố, 62 ngế sinh viên kuăn ngo kong pơlê Dak Lak ai hnoăng hriâm rơkê, dế hriâm a mâu hngêi trung kao đăng, đăi hok tung lâp tơnêi têa châ khĕn kơdeăn. Tơbleăng a rôh leh, pôa Y Ƀiêr Niê, Kăn phŏ hnê ngăn Đảng kong pơlê Dak Lak hiăng rơkâu ƀă tối hâk tơngăm ‘na hnoăng veăng ‘no tung hriâm tâp, hriâm pât dêi mâu sinh viên.

Hlối púi vâ, mâu droh rơtăm mâu hdroâng kuăn ngo tung kong pơlê pơtối mơ-eăm hriâm, hriâm pât hiâm mơno, thế loi tơnga a troăng rơhlâ hnê mơhno dêi Đảng, luât dêi tơnêi têa, pơtối rak ki môi tuăn tâi tâng hdroâng mơngế, mơ-eăm ‘no hnoăng mơjiâng pơlê pơla, tơnêi têa rế kro mơdrŏng.

Pakĭng mê, mâu râ kăn Đảng, mâu kăn, Măt trâ̆n Tơnêi têa ƀă mâu khu tơrŭm cheăng kal kí - rêh ối pơlê pơla pêi kơtăng, pêi tơƀrê mâu troăng rơhlâ, luât pơkâ dêi Đảng, Tơnêi têa ƀă kơpong hdroâng kuăn ngo ƀă kong ngo, malối mâu luât pơkâ ‘no ‘no liăn mơnhông hnê hriâm ƀă hnê mơjiâng tuăn ngôa rơkê, mơdêk ki tơƀrê mơngế pêi cheăng a kong pơlê.