Kơtăn kố klăng 80 hơnăm, a hâi lơ 25/1/1944 (cho hâi lơ 1/1 hơnăm Giáp Thân), a Tíu xối tơbâ ton nah tơnêi têa Hngêi phâk Ƀuôn Ma Thuột hiăng po Rôh ăm lêng prôk pơtăng ƀă tơdroăng ki veăng dêi mâu khu ki tro kroăng phâk, ngế ki pơkuâ hngêi phâk, mâu lêng, mơngế cheăng akố. La bu po tung pơla ki iâ chôu la rôh ăm lêng prôk pơtăng kố mơhno hiâm mơno khŏm mơ-eăm dêi khu lêng kăch măng.

Hngêi phâk Ƀuôn Ma Thuột hiăng chiâng tíu ki xiâm hdró hnoăng cheăng kân dêi mâu lêng kăch măng hiăng hlâ xua tơniăn krê ăm tơnêi têa dêi hdroâng mơngế. A leh mơnê, tung tơdroăng ki hmái hmâ, mâu kăn hiăng pleăng reăng, tâp nhăng ƀă rơtế hơ’muăn tối khôi hmâ khên tơnôu, ôh tá xâu hlâ dêi mâu lêng kăch măng.