Khế tŏng kum hơnăm kố po ing hâi lơ 1 troh lơ 31/5, ki xiâm má môi cho ing hâi lơ 8 troh 19/5 ƀă châ tơbleăng tung lâp kong pơlê, mơ-eăm kum châ ia hlái 1 rơpâu tíu tŏng kum.

Jâ Ayun H’Hương, Kăn hnê ngăn Khu lo tŏng veăng kong pơlê Dak Lak ăm ‘nâ, ƀă inâi “Troăng prôk tŏng kum – Diâp xo tơdroăng hơ-ui pâ”, Khế tŏng kum hơnăm kố tơmiât troh môi tơdroăng dêi hiâm mơno hơ-ui ki a mê rêm ngế pơrá chiâng vâ veăng, tơrŭm, pleăng vâ kum, diâp mâu hiâm mơno, tơdroăng hơ-ui pâ, hbrâ rơnáu kum mâu ngế ki xơpá, tâk tơ’nôm mâu tơdroăng pêi pro tro ‘ló, veăng kum mơjiâng bro môi pơlê pơla tơrŭm, kro hiâm mơno hơ-ui.