Tiô Khu mơngế Plôm mâ Dak Lak, nôkố tung kong pơlê ai lối 530 ngế plôm mâ. Tung 5 hơnăm hdrối, kong pơlê hiăng pro 20 tơdroăng tơkêa pro kum tăng cheăng pêi, tơ’mot vâ chê 270 ngế ki plôm mâ veăng pêi cheăng, tơkŭm a tơdroăng pêi cheăng ki kố ki mê, păn kuăn kiâ, pêt loăng plâi ƀă tê mơdró kŭn.

Khu mơngế plôm mâ Dak Lak ối tơrŭm ƀă mâu tíu hnê cheăng pêi ‘na tiê bliê  troăng veăn ăm chât ngế tung khu, tơdjêp ƀă mơhno tăng cheăng pêi.

Mâu ngế klêi hriâm cheăng hiăng po xeh tíu pêi cheăng, veăng kum ai cheăng pêi ăm hên ngế kơlo liăn pê lo dâ dâng 3 rơtuh 500 rơpâu liăn môi khế. Mâu tơdroăng mơ-eăm dêi kong pơlê tung 5 hơnăm kố hía nah hiăng veăng mơdêk tơdroăng rêh ối tuăn ngôa ăm mâu ngế plôm mâ. Kơxô̆ rơpŏng kơtiê tung khu phôm mâ hiăng kơdroh 4% , sap 17,5% chu ối 13,4%.