Pơtối mê, kong pơlê Dak Lak pơkâ ‘măn tâi tâng kơxô̆ liăn lăm pôu ƀă diâp kơxuô tơmeăm ăm mâu khu pú hên, ngế krê tung roh Têt Lo hơnăm nếo Giáp Thìn hơnăm 2024 ai lối 77 rơtal liăn. Roh kố khu râ kăn pơkuâ kong pơlê Dak Lak kô tơkŭm po mâu khu râ kăn lăm pôu, diâp 51 kơxuô tơmeăm ăm mơngế ai hnoăng ki kơhnâ rơkê ƀă mâu Kơ koan pơkuâ tơnêi têa, Kŏng an, Mô đô̆i gâk tơkăng kong ƀă Mô đô̆i tung kong pơlê.

Rơtế amê, Vi ƀan Măt trâ̆n Tơnêi têa kong pơlê, Khu lo tŏng veăng kong pơlê Dak Lak xuân pơkâ pêi mơhnhôk mâu kơxô̆ liăn vâ lăm pôu, diâp kơxuô tơmeăm ăm mâu rơpŏng kơtiê, rơpŏng ai tơdroăng rêh ối pá puât ƀă ngế ai troăng hơlâ tŏng kum a kơpong hơngế, hơngo, kuăn pơlê hdroâng kuăn ngo vâ rêm ngế kuăn pơlê pơrá châ tơdah Têt phiu ro, hơtôu.