Pơchuât tơbleăng a leh tơbleăng ăm hlo 3 hơnăm hdrối nah, măt trâ̆n tơnêi têa rêm râ kong pơlê Dak Lak hiăng mơhnhôk châ va chê 60 rơtal liăn, tŏng kum ăm mâu kơtiê tiô pơkâ ƀă mơjiâng bro 925 toăng hngêi tơrŭm. Ƀă inâi “Rơtuh hiâm mơno pa nhuô̆m, rơpâu toăng hngêi tơrŭm” Leh tơbleăng pêi pro khế xua vâ kum mâu kơtiê hơnăm 2023 a Dak Lak cho tơdroăng ki mơhno hiâm mơno mâu ngế ki chía niân kum mâu ngế ki xơpá, pơ-ôu pơ-eăng ki kơnía tung pơla rơtế pêi pro mơhno hiâm mơno tŏng kum mâu ngế xơpá, pơ-ôu pơ-eăng ki kơnía rơtế pêi pro hnoăng cheăng xua vâ kum mâu kơtiê.

A leh tơbleăng, khu tơkŭm po hiăng pơtroh kơthô ƀă krếo thế mâu khu pú hên, mâu ngế krê, khu mơdró kâ, khu ki ai hiâm mơno hơ-ui veăng kum vâ mơnhông kơxô̆ liăn râng, pro tơ’lêi hlâu pơtối tŏng kum mâu kơtiê. Teăng mâ Vi ƀan măt trâ̆n tơnêi têa rêm râ tung kong pơlê hiăng chêh inâi kơlo kum tơhrâ mơhnhôk vâ ai liăn. Mơgêi leh tơbleăng, khu tơkŭm po hiăng tơdah xo 13,6 rptal liăn sap ing maua khu pú hên, mâu tíu pêi cheăng veăng tơlo ƀă tơhrâ tŏng kum khu ki râng liăn xua vâ kum mâu kơtiê dêi kong pơlê.