Kŏng ti xiâm on tơhrik peăng Tơdế tơnêi têa EVNCPC hiăng pơcháu tơmeăm tíu chuâ hdoăng têa krúa mơjiâng diâp Đông mô đô̆i gak tơkăng kong Bo Heng, pro a cheăm Krông Na, tơring Ƀuôn Đôn, kong pơlê Dak Lak. Tơmeăm châ pêi pro mơjiâng sap ing khế 5/2023, ai tâi tâng kơlo mơ’no lối 700 rơtuh liăn, tung mê EVNCPC tŏng kum 50 rơtuh lin ƀă PC Dak Lak tŏng kum 20 rơtuh liăn.

Tơmeăm ki pêi kêi đeăng ƀă ăm xúa kô kum mơdêk tơdroăng rêh ối ăm kăn ƀô̆, mô đô̆i kơpong tơkăng kong, tơxâng tơdroăng kal vâ têa krúa dêi Đông mô đô̆i gâk tơkăng kong Bo Heng, ki rơhêng vâ tối cho tung mâu khế kong tô khăng khoăng râ ó.