Pêi pro Tơdroăng pơkâ dêi tơnêi têa ‘na kơdroh kơtiê krá ton pơla hơnăm 2021 – 2025, kong pơlê Gia Lai kô tŏng kum vâ pro nếo ƀă rơnêu hngêi ối ăm iâ hlái 2 rơpâu rơpŏng kơtiê, rơpŏng vâ chê kơtiê; rak tơniăn ăm 98% rơpŏng kơtiê châ xúa têa krúa; ki hên vâi hdrêng ki kŭn a tơring kơtiê châ troh hngêi trung, mơni kô ai ƀaoh hiêm khăm pơlât ƀă hên ki ê.

Kong pơlê kô tơkŭm a 7 tơdroăng tơkêa, mê cho: Tŏng kum ‘no liăn cheăng bro hngêi trăng, troăng klông cheăng kâ rêh ối pơlê pơla tơring kơtiê; pro hơ’lêh hên tơdroăng rêh kâ ối, mơnhông túa pơkâ kơdroh kơtiê; tŏng kum mơnhông pêi cheăng kâ, hơ’lêh trếo lĕm, mơnhông hnê hriâm hnê cheăng pêi krá ton; tŏng kum hngêi ối ăm rơpŏng kơtiê, vâ chê kơtiê a mâu tơring kơtiê; um tơvi hnê tối ƀă kơdroh kơtiê ‘na tói tơbleăng tơdroăng; mơdêk ivá mơnhên tối Tơdroăng ƀă mâu troăng hơlâ tŏng kum ăm rơpŏng kơtiê, rơpŏng vâ chê kơtiê.