Tiô Ƀaoh hiêm pơlê pơla kong pơlê Gia Lai, nôkố lâp tung kong pơlê ai lối 2.300 tíu pêi cheăng hrá nâp Ƀaoh hiêm ăm mơngế pêi cheăng ƀă kơxô̆ liăn tâk troh 146 rơtal liăn. Tung kơxô̆ mâu khu mơdró ki hrá nâp ƀă ối chĕn ƀaoh hiêm pơlê pơla a Gia Lai, ai 15 khu mơdró dêi Tơnêi têa, kơxô̆ liăn hrá nâp 12 rơtal liăn, 1.071 khu mơdró pa kong tơnêi têa kơxô̆ liăn hrá nâp 48 rơtal liăn, 167 tíu pêi cheăng ối chêh ƀaoh hiêm pơlê pơla ai ngế kăn pơkuâ hiăng kơtâu hmuâ, pơtê cheăng, ƀă kơxô̆ liăn chĕn 17 rơtal liăn.

Pôa Trần Ngọc Tuấn, Ngế phŏ pơkuâ Ƀaoh hiêm pơlê pơla kong pơlê Gia Lai ăm ‘nâi, tơdroăng hrá nâp ƀaoh hiêm ăm mơngế pêi cheăng a Gia Lai, ki hên xua mâu khu mơdró ki mê trâm pá. Tơdrêng ƀă tơdroăng pơtroh tơbleăng hnê tối troh mâu tíu pêi cheăng ki hrá nâp, kơ koan baoh hiêm kô pêi pro hên tơdroăng vâ rak tơniăn hnoăng ki pơxúa ăm mơngế pêi cheăng.