Gia Lai: Lối 800 ngế hok tro kơpong xơpá veăng tung tơdroăng tơkêa “Troh hngêi trung Tơniăn”
Thứ tư, 06:00, 15/11/2023
Tơplôu: Katarina Nga
Tơplôu: Katarina Nga
VOV4.Xơ Đăng - Hâi lơ 14/11, Khu râng liăn hbrâ mơdât hlâ rong Châu Á (AIP) bă Khu rak tơniăn Troăng prôk kong pơlê Gia Lai ƀă mâu khu tơrŭm cheăng, tơbleăng tơdroăng tơkêa “Troh hngêi trung tơniăn” hơnăm hriâm 2023 – 2024 a hngêi trung Râ má môi Hà Bầu, cheăm Hà Bầu, tơring Đak Đoa.
A leh tơbleăng tơdroăng tơkêa “Hngêi trung hriâm tơniăn” hơnăm má 4, hơnăm hriâm 2023 – 2024, 800 ngế o hok tro dêi hngêi trung Râ má môi Hà Bầu, cheăm Hà Bầu, tơring Đăk Đoa hiăng châ tơdah xo muâk rak ko bro yâu ƀă ko dêi tơná; châ hnê truâ muâk rak ko tro túa ƀă veăng tung hên tơdroăng xah hêi ki hơniâp ro, mơdêk ki hlê plĕng, teăng hơ’lêh mâu tơdroăng ki hmâ ‘na rak tơniăn a troăng prôk.
Klêi kơ’nâi 3 hơnăm tơbleăng, tơdroăng “Hngêi trung hriâm tơniăn” dêi Khu râng liăn hbrâ mơdât hlâ rong Châu Á hiăng kum 13 rơpâu ngế hok tro a kong pơlê châ hmâng xo mâu tơdroăng ki hnê ‘na mâu tơdroăng ki veăng kơto rơxế a troăng.
Viết bình luận