Kơxo hâi lơ 25/5, Gia Lai po leh kân krip tơkŭm xo mơdâm ƀă ‘mế 22 ngế ki hlâ ai hnoăng dêi mâu lêng ƀă mơngế Việt Nam ki rơkê hiăng hlâ tung mâu rôh tơplâ a kong têa Kul. Tung kơxô̆ 22 kơxêng kiâ mâu ki hlâ châ tơkŭm xo rôh kố, djâ vêh tung rơnó tô mơdrăng hơnăm 2022-2023, ai 8 kơxêng kiâ châ tăng hlo a kong pơlê Stung Treng.

A Tại Ratanakiri ƀă Preh Vihear, rêm kong pơlê hlo 7 kơxêng kiâ mâu ki hlâ ai hnoăng. Troh nôkố Đô̆i, Đội K52 Gia Lai hiăng tăng hlo, tơkŭm djâ vêh ai 1.468 kơxêng kiâ mâu ki hlâ, mâu lêng mố đô̆i mâu ngế Việt Nam ki rơkê hiăng hlâ rôh tơplâ nah. A rôh leh, kăn hnê ngăn kong pơlê Gia Lai, mâu kơvâ cheăng, khu grup, teăng mâ mâu khu râ kuăn pơlê, mâu lêng tơplâ kong pơlê Gia Lai hiăng rơrêk tung hiâm mơno drêng tơdah xo djâ vêh kơxêng kiâ mâu ki hlâ vêh ‘mé a pơlê. 

Tung chôu phut nhoăm pâ hmái hơtĭng, mâu kăn hiăng chôu nháng, pleăng reăng, mơhno hiâm mơno pâ mơnê pá kâi tối dêi kuăn pơlê Việt Nam ƀă mâu ngế kuăn ki ai hnoăng dêi Tơnêi têa hiăng hlâ tung rôh tơplâ xua vâ pro hơniâp lĕm dêi péa hdroâng mơngế Việt Nam - Kul.