Hà Nội mơhnhôk pêi cheăng tung khế xua mâu ngế kơtiê
Thứ tư, 14:00, 04/10/2023
Tơplôu: Gương/VOV
Tơplôu: Gương/VOV
VOV4.Xơ Đăng - Pêi cheăng ai pơxúa vâ troh hâi leh tơbâ 69 hơnăm hâi châ tơleăng lĕm pơlê kong xiâm hâi lơ 10/10, kơmăng hâi lơ 3/9 pơlê kong kân Hà Nội hiăng tơkŭm po Leh mơhnhôk pêi cheăng tung khế “Xua mơngế kơtiê ƀă tơniăn tơdroăng rêh ối” hơnăm 2023.
Tung kơmăng lơ 3/10, hiăng ai hrĭng kơ koan, khu mơdró ƀă mâu khu ai tuăn hơ-ui hiăng chêh inâi vâ veăng tŏng kum liăn xua mâu ngế kơtiê ƀă tơdroăng rêh ối pơlê kong kân ƀă kơxô̆ liăn lối 50 rơtal 100 rơtuh liăn. Pơlê kong kân nôkố ai lối 2.100 rơpŏng kơtiê ƀă lối 22 rơpâu 200 rơpŏng vâ chê kơtiê kal tŏng kum.
A leh mơhnhôk, Khu mơhnhôk veăng tơlo liăn xua mơngế kơtiê pơlê kong kân hiăng xo liăn ‘măn kơdĭng vâ kum mâu ngế kơtiê diâp kơxô̆ liăn tŏng kum ăm 245 rơpŏng kơtiê tung pơlê kong kân ƀă tâi tâng kơxô̆ liăn 10 rơtal 400 rơtuh liăn vâ xoăng ăm mâu tơring pơlê kong krâm vâ mơjiâng pro hngêi tuăn pâ ƀă hlối kơjo kum tung rêh kâ ối ăm mâu ngế kơtiê.
Viết bình luận