A rôh hôp, Mâu kăn hên kong pơlê tơhrâ ‘no liăn ngân 100% kơxô̆ liăn ‘no mơjiâng tơmeăm khoăng tơnêi têa tiô tơdroăng pơkâ dei tơnêi têa tung hơnăm kố. Tiô khu hnê mơhno tơdroăng cheăng, Chin phuh hiăng pơcháu ăm lối 49.500 rơtal liăn ngân xiâm tơnêi têa tung hơnăm 2023 ăm mâu khu xiâm, kơ koan xiâm ƀă kong pơlê pêi mâu tơdroăng pơkâ dêi tơnêi têa.

Ƀă pơkâ hơnăm kố, Ngế pro xiâm hnê ngăn tơnêi têa hiăng pơcháu lối 47 rơpâu 600 rơtal liăn ngân xiâm tơnêi têa hơnăm 2024, ăm mâu khu xiâm, kơ koan xiâm tơnêi têa ƀă kong pơlê pêi mâu tơdroăng pơkâ dêi tơnêi têa. Xuân a rôh hô, Kăn hnê ngăn hên mâu kong pơlê môi tiah Lào Cai, Sơn La, Nghệ An, Thừa Thiên - Huế, Quảng Nam... xuân tơhrâ tơbleăng pêi 3 tơdroăng tro tiô pơcháu châ 100% kơxô̆ liăn ‘no mơjiâng tơmeăm khoăng tơnêi têa.