Hâi lơ 26/3, Khu pơkuâ Droh rơtăm Việt Nam ƀă Khu pơkuâ Khôp Phop Việt Nam kong pơlê Kon Tum tơkŭm po leh kĭ Tơdroăng tơrŭm hôp hneăng hơnăm 2024 – 2025. Pơtối mê, péa pâ tơrŭm mơhnhôk mâu ƀok phop, kuăn khôp phop hơnăm ối nếo, droh rơtăm, phô̆m xông kân kuăn khôp Phop rêh ối lĕm tá ‘na châ, lĕm tá ‘na mơhúa, pêi pro hnoăng dêi kuăn pơlê; thăm veăng mơnhông cheăng kâ – rêh ối pơlê pơla, tơniăn gâk kring kal kí, tơniăn lâp pơlê pơla; mơhnhôk mơngế pêi cheăng rak ngăn ăm droh rơtăm phô̆m xông kân ai tơdroăng rêh ối pá puât.

Xuân klăng leh tơbâ 93 hơnăm hâi Mơjiâng Đoân droh rơtăm Kŏng san Hồ Chí Minh, hên khu tơrŭm cheăng Đoân Droh rơtăm a kong pơlê Kon Tum tơkŭm po tơ’mot đoân viên nếo; Troăng prôk troh tíu pêi cheăng kăch măng nah; lăm pôu diâp kơxuô tơmeăm khoăng ăm rơpŏng ai hnoăng tơnêi têa, mơngế krâ ôh tá ai kuăn ‘nĕng rak ngăn; Djâ troăng ahdrối pleăng hnoăng cheăng kum tung tơdroăng rêh ối pơlê pơla.