Tiô mâu tơdroăng xiâm châ tơbleăng a Hneăng hôp tơpui tơno, rơtế ƀă tơdroăng mơnhông cheăng kâ, tơdroăng rêh ối tŭm tơdroăng dêi vâi kơdrâi 19 kong pơlê kơpong peăng tơdế Tơnêi têa – Tây Nguyên châ pơ’lêh nhên. Ki hlo nhên ‘na hnoăng dêi vâi kơdrâi a kơpong cho kơxô̆ vâi kơdrâi ‘nâi hnoăng cheăng tung khu râ kăn pơkuâ hnê ngăn cheăng Đảng, khu râ kăn pơkuâ, vâi kơdrâi teăng mâ Kuô̆k hô̆i ƀă Hô̆i đong kuăn pơlê hiăng hên tâ hdrối nah.

  Tơdroăng rah xo, rah mâu ngế ki tơbriât to pro kăn mơngế kơdrâi veăng pro kăn teăng mâ Kuô̆k hô̆i ƀă Hô̆i đong Kuăn pơlê mâu râ nôkố đi đo tâk ‘na kơxô̆ mơngế ƀă ki rơkê pêi cheăng, ƀă rế hía rế ai hên mơngế hơnăm ối nếo.

Jâ Nguyễn Thị Minh Hương, Kăn phŏ hnê ngăn Khu pơkuâ vâi kơdrâi Việt Nam nhuô̆m khât mơnhên mâu tơdroăng châ tơpui tơno, pơkâ dêi kăn teăng mâ ƀă pói vâ kô cho môi tung mâu xiâm kối vâ mâu kong pơlê pơlâ mâu troăng pêi vâ mơdêk hnoăng, tíu cheăng dêi vâi kơdrâi; pơkâ mâu troăng pêi ki nhên vâ tơkŭm po pêi pro mâu troăng hơlâ ‘na vâi kơdrâi châ tơƀrê.