A hneăng hôp, mâu kăn cheăng tung Hô̆i đong hiăng mơnhên mâu pơkâ pêi troh, hnoăng cheăng pơkâ tung tơdroăng tơkêa bro pêi cheăng ton xŏn. Pơtối mê, tung pơkâ 29 dêi Khu xiâm pơkuâ Đảng hneăng má 11 ai mâu pơkâ pêi dế tro troăng, tro tơdroăng mê kal pơtối pêi tiô; khu pơkâ pêi tá hâi tro, tá hâi ‘ló lơ troăng pêi po rơdâ tá hâi tŭm têk, chiâng pêi pro.

Tơdrêng amê, Troăng pêi cheăng ton xŏn kal ai pơkâ pêi nếo, troăng mơnhông vâ tơxâng tiô pơkâ mơngế pêi cheăng nôkố. Xông tơpui a roh hôp, Ngế pro xiâm phŏ, Kăn xiâm hnê ngăn Hô̆i đong Tơnêi têa Hnê hriâm ƀă Hnê mơjiâng tuăn ngôa rơkê tối nhên, Troăng pêi ton xŏn mơnhông hnê hriâm hneăng hơnăm troh 2030 ƀă tơmiât pêi troh hơnăm 2045 cho kal khât, tơdjâk kân troh troăng hơlâ hnê hriâm ƀă mơjiâng mơngế pêi cheăng tung la ngiâ.

Xua mê, troăng pêi ton xŏn ai tíu ki rơdêi, hnoăng cheăng ki xiâm, troăng tơmiât ki xiâm; mơ-eăm mơnhên troăng prôk tro laga xuân ai tơdroăng ki pơhlêh, mơnhông hluâ.