Jâ Võ Thị Ánh Xuân, Kăn xiâm phŏ hnê ngăn tơnêi têa, cho kăn xiâm hnê ngăn tơnêi têa troh veăng leh ƀă diâp hnoăng liăn hriâm. A rôh leh, Khu tơkŭm po hiăng diâp 250 hnoăng liăn hriâm, ăm hok tro a 16 to kong pơlê, pơlê kong kơdrâm kơpong tơdế tơnêi têa, Tây Nguyên ai tuăn kơdo mơ-eăm tơkâ luâ xơpá,  hriâm rơkê ƀă mâu ngế hiăng kân ai hên hnoăng kơhnâ trung hriâm tâp, kơhnâ hriâm đi đo.

Tơbleăng a rôh Leh diâp hnoăng liăn hriâm, jâ Võ Thị Ánh Xuân, Kăn xiâm phŏ hnê ngăn tơnêi têa tối nhên: Tơdroăng hriâm ƀă hriâm tâp plâ rơxông cho tơdroăng kal khât, cho tơdroăng ki kal dêi tơnêi têa ƀă rêm ngế kuăn pơlê. Tíu xiâm ngăn Khu mơhnhôk hriâm Việt Nam kal pơtối ai hên hnoăng veăng ‘no tung  tơdroăng hnê mơhnhôk hriâm, hriâm vâ rơkê, mơjiâng pơlê pơla mơ-eăm hriâm tâp tung mâu hơnăm pơtối.