Tiô pôa Phạm Minh Tấn, Kăn phŏ hnê ngăn đảng kong pơlê Dak Lak, vâ tơniăn ăm vâ chê 3.000 ngế hok tro châ hriâm lâm 10 hệ yăo dục thường xuyên, ki hdrối, Khu kăn đảng kong pơlê hnê mơhno ăm Vi ƀan kong pơlê ƀă mâu tíu pêi cheăng ai tơdjâk troh thế pro tơdâng xoăng ăm tơ’nôm kơxô̆  liăn a tơdroăng pơkâ mâu Hngêi trung hnê yăo dục thường xuyên, hngêi trung hnê cheăng pêi hlối po tơ’nôm lâm hriâm  ƀă tăng tơ’nôm thái cô hnê râ má pái phôh thông tung kong pơlê vâ hnê.

‘Na ki ton ta ah, pakĭng ‘no liăn  Dak Lak hnê mơhno liăn hên tâ nếo po rơdâ hngêi lâm hriâm, kơƀăng tăng vâ hriâm, mâu thái kố kong pơlê kô pêi pro troăng rơhlâ rah xo lơ séa ngăn điâm vâ rah xo tiô hên troăng vâ tơniăn tơdâng tơ’mô tung rah xo hngêi trung tiô kô ivá hriâm dêi vâi o hok tro.