Tơbleăng a Kŏng  ti JA Solar Việt Nam, Kăn xiâm hnê ngăn Kuô̆k hô̆i Vương Đình Huệ tối, Kuô̆k hô̆i, Chin phuh Việt Nam tơhrâ kô mơ-eăm ‘mâi hơ’lêh hyôh kong prâi tơdroăng ’no liăn cheăng mơjiâng pro tơmeăm khoăng, tê mơdró ăm khu mơdró dêi mâu khu cheăng kâ, tung mê ai mâu khu ‘no liăn cheăng ing kong têa ê, pê klêi luât pơkâ. 

Kăn xiâm hnê ngăn Kuô̆k hô̆i púi vâ  Kŏng ti JA Solar Việt Nam djâ troăng a hdrối tung mơjiâng nhâ loăng kuăn kiâ têa; tơrŭm ƀă mâu khu mơdró dêi Việt Nam vâ pê lo hên kế tơmeăm ki hngêi kơmăi kơmok, mơjiâng tơmeăm pê lo ai pơxúa. Rôh kố, Kăn xiâm hnê ngăn Kuô̆k hô̆i Vương Đình Huệ rơtế ƀă mâu ngế tung khu  kăn hbru tơmeăm ăm mâu kŏng nhân a Kŏng ti JA Solar; hbru tơmeăm ăm mâu rơpŏng kơtiê xơpá, rơpŏng hngêi ai hnoăng tơnêi têa ing Vi ƀan Măt trâ̆n tơnêi têa Việt Nam tơring Việt Yên.