Kăn xiâm hnê ngăn tơnêi têa Võ Văn Thưởng veăng trâm mâ, hlối tối tơbleăng. Tơdroăng Têt tơkŭm dêi rơpó - Hơngui pâ po rôh Têt Lo hơnăm nếo tung rêm hơnăm, xua Kŏng đoân rêm râ tơkŭm po, vâ pro ăm tơdroăng sôk ro, phâi tơtô troh rêm ngế kŏng đoân ƀă mơngế pêi cheăng drêng troh hơnăm nếo, malối cho mâu ngế kơtiê xơpá, mâu ngế ôh tá châ vêh kâ Têt a pơlê.

Tơbleăng a tơdroăng mê, Kăn xiâm hnê ngăn tơnêi têa Võ Văn Thưởng tối nhên, Pơlê kong kân Hồ Chí MInh cho tíu pơxiâm pêi hên tơdroăng mơhnhôk veăng kum tung rêh ối ai pơxúa khât, veăng mơhno ki tơmâng tŏng kum ăm mâu ngế kơtiê, mâu rơpŏng xơpá, rơpŏng ai hnoăng tơnêi têa, ôh tá xê to tung pơlê kong kơdrâm mê tá tung lap tơnêi têa. Laga, Kăn xiâm hnê ngăn tơnêi têa tối tiah kố, hơnăm 2023 ai hên khu mơdró trâm xơpá, kơlo liăn mơhá Têt iâ tê, tơdjâk kân troh tơdroăng tơmâng tŏng kum Têt ăm mâu kŏng nhân, mơngế pêi cheăng.

Tung pơla mê, xua tơdroăng mơnhnhôk dêi Măt trâ̆n tơnêi têa Việt Nam, khu xiâm ngăn cheăng pêi Việt Nam ƀă mâu khu tơrŭm cheăng ki ê, tơdroăng Têt tơkŭm dêi rơpó - Hơngui pâ hiăng veăng  ‘no hnoăng tơmâng tŏng kum Têt ăm kŏng nhân, mơngế pêi cheăng ki kơtiê xơpá vâ ngế ki lâi xuân châ kâ Tết.