Khu lăm pêi cheăng hiăng troh têk nhang, pleăng reăng tơbâ a Kơpong tíu tơbâ tơnêi têa ki tơviah dêi Khu xiâm pơkâ kơpong Tà Khiết a tơring Lộc Ninh. Kơ’nâi mê, Khu kăn hiăng troh lăm pôu, hbru tơmeăm ăm mâu ki kơtiê ƀă mâu hok tro kơtiê a tơring Lộc Ninh. Khu kăn hiăng diâp 30 kơxu tơmeăm ăm rơpŏng kơtiê, 30 kơxuô tơmeăm ăm hok tro kơtiê xơpá ki hriâm rơkê, 2 rơpŏng ai hnoăng tơnêi têa ki kơtiê cheăng ‘na kơvâ kŏng an.

A rôh hbru tơmeăm, jâ Võ Thị Ánh Xuân tối mâu tơdroăng ki xơpá ƀă khĕn kơdeăn mâu rơpŏng kơtiê, rơpŏng ai hnoăng kăch măng hiăng mơ-eăm mơnhông, veăng ‘no hnoăng mơjiâng pơlê tơnêi têa. Pakĭng mê, mơhnhôk mâu kuăn cháu mơ-eăm tơkâ luâ xơpá, hriâm tâp rơkê vâ rế tơƀrê.

Pơtối mê, jâ Võ Thị Ánh Xuân hiăng troh lăm pôu, mơhnhôk mâu kăn ƀô̆, mâu lêng đông lêng gak tơkăng kong tíu tê mơdró Hoàng Diệu, dêi tơring Bù Đốp.