Troh nôkố, Liăn ‘măn kơdĭng hiăng mơhnhôk tăng châ lối 77 tơtal liăn. Tiô tối hdrối hơnăm 2023 kô châ lối 111 rơtal, tơniăn châ ƀă luâ pơkâ châ Hô̆i đong kring vế pơcháu hơnăm 2023. Ing mê, Liăn ‘măn kơdĭng hiăng veăng kum vâ chê 114 rơpâu ngế hdrêng; kơxô̆ liăn veăng kum vâi hdrêng mê vâ châ 90 rơtal liăn.

A rôh hôp, Kăn xiâm phŏ hnê ngăn tơnêi têa Võ Thị Ánh Xuân, Kăn xiâm hnê ngăn Hô̆i đong veăng tŏng kum tối tiah kố, tung la ngiâ, pakĭng mâu rôh tơ ‘lêi, hlâu, pin kô trâm hên mâu tơdroăng xơpá, pơloăng mơnúa, tơdroăng cheăng pêi dêi khu mơdró ki ối trâm hên xơpá, tung pơla mê kơxô̆ vâi hdrêng kơtiê xơpá kal tŏng kum ối hên.

Xua mê, Liăn ‘măn kơdĭng kal hbrâ rơnáu tăng, pơtối rak vế pêi pro hnoăng cheăng tí tăng ‘nâi plĕng mâu tơdroăng rơtế ƀă mâu ngế tung khu Hô̆i đong tơbleăng nhên mâu tơdroăng cheăng pêi.