Khâu ki pêi dêi hnoăng cheăng Khu pơkuâ ngăn lêng kơpong 3 têa kơxĭ pôu, rơkâu Têt a tơring chuăn Lý Sơn
Thứ năm, 06:00, 25/01/2024
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Kơxo lơ 24/1, Khu ki pêi dêi hnoăng cheăng Khu pơkuâ ngăn lêng Kơpong 3 têa kơxĭ xua Chuẩn Đô đốc Nguyễn Đăng Tiến, kăn pơkuâ ngăn Đảng – Kăn pơkuâ đảng lêg Kơpong 3 têa kơxĭ pro ngế xiâm pơkuâ khu kăn kố rơtế ƀă kăn teăng mâ mâu kơ koan, tíu pêi cheăng, kong pơlê, khu mơdró kâ troh pôu, hbru tơmeăm, rơkâu Têt kăn ƀô̆, lêng ƀă kuăn pơlê dế pêi cheăng, rêh ối a chuăn Lý Sơn, kong pơlê Quảng Ngãi drêng troh hơngui Giáp Thìn 2024.
Teăng mâ Đảng, Khu pơkuâ ngăn lêng Kơpong 3 têa lêng têa kơxĭ ƀă Khu kăn ki pêi dêi hnoăng cheăng, Chuẩn Đô đốc Nguyễn Đăng Tiến pơtroh rơkong kơ-êng, rơkâu kăn ƀô̆, lêng ƀă kuăn pơlê tơring chuăn Lý Sơn tơdah Têt tiô khôi hmâ ro, ivá rơdêi, phâi hơtôu.
Kăn pơkuâ hnê ngăn Đảng lêng kơpong 3 têa kơxĭ tơmâng xo mâu rơkong tơpui tối môi tuăn dêi kăn ƀô̆, đảng viên ƀă kuăn pơlê tơring chuăn ƀă kăn ƀô̆, lêng Trạm radar 550 ối tung Trung đoân 351, Khu pơkuâ ngăn lêng Kơpong 3 têa kơxĭ tối krê ƀă khu lêng kring vế tối tơdjuôm tung tơdroăng rak vế, gâk kring tơniăn, rak vế chuăn rơlố dêi Tơnêi têa.
Viết bình luận