Kheăn kơdeăn 21 ngế hok tro ‘’kuăn roăng đông mô đô̆i gak tơkăng kong’’ ki má môi a Dak Nông
Thứ sáu, 14:13, 18/08/2023
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Kơxê lơ 17/8, hdrối vâ mot hơnăm nếo, Khu xiâm pơkuâ Mô đô̆i gak tơkăng kong dêi kong pơlê Dak Nông tơkŭm po trâm mâ kheăn kơdeăn hok tro kơhnâ rơkê tung tơdroăng “Kum o troh hngêi trung – kuăn roăng đông mô đô̆i gak tơkăng kong’’ ƀă tơdroăng tơkêa bro ‘’Kăn ƀô̆, mô đô̆i kum o troh hngêi trung’’ hơnăm hriâm 2022 – 2023.
Ƀă troăng pêi ‘’Ăm chư, pơtroh tơdroăng ki pói vâ’’, sap hơnăm 2016 troh nôkố, hiăng ai 222 ngế hok tro a 7 cheăm tơkăng kong dêi kong pơlê Dak Nông ƀă 12 ngế muăn hok tro dêi kong pơlê Mondulkiri, kong têa Kul châ mô đô̆i gak tơkăng kong Dak Nông tŏng kum troh hngêi trung.
Tâi tâng kơxô̆ liăn tŏng kum mâu muăn ai tơdroăng rêh ối pá puât cho vâ chê 4,5 rơtal liăn, ing kơxô̆ liăn veăng tơlo dêi tâi tâng khu mô đô̆i gâk tơkăng kong Dak Nông. Kơnôm tơdroăng tŏng kum dêi kăn ƀô̆ mô đô̆i gâk tơkăng kong, mâu muăn hok tro hiăng mơ-eăm đi đo vâ tơkâ hluâ mâu tơdroăng pá puât, ôh tá ai tŭm ‘na kế tơmeăm khoăng tá hiâm mơno vâ chiâng kuăn nguô̆n, hok tro rơkê.
Viết bình luận