Vâ hbrâ ví ƀă tơdroăng ki péa tơmeăm to kơnâ yă, Chin phuh, Ngế pro xiâm hnê ngăn Chin phuh, Ngế pro xiâm phŏ hnê ngăn tơnêi têa - Ngế pơkuâ hnê mơhno pơkâ yă hiăng hnê mơhno ăm mâu khu xiâm, kơvâ cheăng, kong pơlê tơkŭm po tơbleăng pơkâ kơtăng hên troăng rơhlâ cheăng kâ ki kân mê cho rak tơniăn xiâm tê tơmeăm xúa ki ai pơxúa ƀă tơmeăm khoăng rôe ki kal tung pêi pro.

Ngế pro xiâm phŏ hnê ngăn Lê Minh Khái tối nhên: Vâ pêi tơdroăng cheăng Kuô̆k hô̆i pơkâ, tơdroăng rak ngăn, pơkâ yă tung hơnăm 2024 kal pơtối pêi tơƀrê tŭm tơdroăng ki hiăng châ pêi pro, tối tơbleăng tro ƀă tơdroăng ki ai khât, pêi tro, ƀeăn rơkê, tơniăn  tung séa ngăn tro lơ ai khu pro yă to kơnâ tiô pơkâ dêi Kuô̆k hô̆i.

Ngế pro xiâm phŏ hnê ngăn Lê Minh Khái tối pơchân sap hâi lơ 1/7/2024 kô pro tâk liăn khế, pakĭng mê tơdroăng pơkâ tâk liăn mung xuân tâk hên, hên tơdroăng ki xơpá ôh tá ‘nâi hdrối ‘na yă tê  dêi mâu tơmeăm, xua mê kal tối hdrối tro tơdroăng ai khât, thế tơtrŏng, ôh tá tơngôu, vâ hbrâ mâu tơdroăng rak ngăn, ‘mâi hơ’lêh yă ăm tơtro, teăm tơdrêng, ai pơxúa tơƀrê.