A rôh pêi cheăng, klêi kơ’nâi hmâng mâu kăn teăng mâ Chin phuh ƀă Khu kăn Séa ngăn pơchuât tơbleăng ‘nâng ‘nâi tơdroăng ki pêi pro ƀă pơchuât ‘nâng ‘nâi ‘na mơnhên tối rôh ki apoăng dêi Khu kăn séa ngăn hơ’lêh nếo tơdroăng, hlá mơ-éa hriâm phôh thong, mâu ngế cheăng tung Khu séa ngăn ƀă mâu kăn ki veăng hôp hiăng tơpui ‘na mâu tơdroăng ki kal tung 2 hlá mơ-éa pơchuât.

Tung mê, ai mâu tơdroăng môi tiah: mơnhên tối ‘na Tơdroăng tâi tâng ƀă mâu tơdroăng môn hriâm; Tơdroăng hơ’lêh nếo túa ki hnê, túa ki mơnhên tối ki rơkê tung hnê hriâm; tơdroăng ki chêh bro, pơkâ, kĭ, tơbleăng ƀă yă tê hlá mơ-éa hriâm; Tơdroăng ki pơkâ mơ’no, pâ thế ƀă mâu tơdroăng ‘na mâu thái cô hnê phôh thong; kế tơmeăm xúa tung hnê hriâm kum ăm tơdroăng tơbleăng tơdroăng nếo ƀă hên ki ê.

Teăng mâ kăn pơkuâ khu xiâm ngăn hnê hriâm ƀă hnê mơjiâng tuăn ngoâ rơkê; mâu khu ki ai tơdjâk troh ƀă Ngế pro xiâm phŏ hnê ngăn Chin phuh cho pôa Trần Hồng Hà tơmâng xo mâu rơkong tơpui tối; tơdroăng ki tơpui tối leăng nhên ‘na mâu tơdroăng ki mâu ngế cheăng tung Khu kăn séa ngăn vâ ‘nâi plĕng.