Ƀă inâi “Tơdroăng ki tŏng kum – Diâp xo tơdroăng pâ nhuô̆m”, khế tŏng kum kố po tung khế 4, a 3 kong pơlê Thái Nguyên, Sơn La, Điện Biên. Mâu tơdroăng cheăng pêi ki nhên, môi tiah: chôu nhang pâ mơnê mâu ngoh ki hiăng hlâ a mâu tíu xối tơbâ kăch măng; pleăng mơheăm, tiâ mơnhên ‘na ivá, khăm pơlât, hbru pơkeăng tê kơtê ăm lối 7 rơpâu ngế kuăn pơlê ai tơdroăng rêh ối xơpá; diâp tơdroăng tŏng kum ăm 70 rơpŏng kơtiê dêi kong pơlê Điện Biên; Kơchơ tê tơmeăm ki kum hbru phĭu roê tơmeăm ăm 700 ngế kơtiê, ngế ki ai tơdroăng rêh ối xơpá.

Jâ Bùi Thị Hòa, kăn hnê ngăn Khu lo tŏng veăng Việt Nam ăm ‘nâi,  Khế tŏng kum tơmeăm hơnăm kố Khu mơ-eăm mơhnhôk châ 400 rơtal liăn vâ tơbleăng pêi pro mâu tơdroăng cheăng tung Khế tŏng kum kế tơmeăm.