Kŏng ti ngăn on tơhrik Dak Lak nếo tơkŭm po pơcháu hngêi tuăn pâ ăm 2 rơpŏng hngêi ối a mâu tơring Krông Pač ƀă Krông Năng. Péa rơpŏng hngêi châ kơjo kum mơjiâng pro hngêi tuăn pâ mê cho jâ Lê Thị Hồng - ối a Tôh kơphô̆ 8, pơlê kân Krông Năng, tơring Krông Năng; ƀă jâ Nguyễn Thị Thạo, ối a thôn 9, cheăm Ea Kly, tơring Krông Păč.

Tŭm péa rơpŏng hngêi xuân rơpŏng kơtiê, ai tơdroăng rêh ối xơpá. Tung mê, jâ Nguyễn Thị Thạo ai kơnốu cho ngế hlâ ai hnoăng. Tơdrêng ƀă tơdroăng veăng kum rêm rơpŏng hngêi 60 rơtuh liăn vâ mơjiâng hngêi ối, kơvâ ngăn on tơhrik  ối veăng kum pro, krâ ‘măn on tơhrik tung hngêi vâ rak tơniăn tung pơla xúa.

Tung rôh pơcháu hngêi, Khu ngăn on tơhrik Dak Lak hiăng hbru tơvi vâ ăm mâu rơpŏng hngêi ki ai tơnêi xúa tung hngêi nếo. Tiô ăm ‘nâi klêi rôh kố, Kŏng ti ngăn on tơhrik Dak Lak dế pơtối tơrŭm ƀă mâu tíu pêi cheăng, tơbleăng mơjiâng pro 3 toăng hngêi ki ê nếo vâ hbru mâu rơpŏng kơtiê xơpá.