Pơtối tơdroăng Roh hôp 24, hâi kố, lơ 14/7, Vi ƀan pơkuâ Kuô̆k hô̆i tơmâng tơbleăng tơdroăng séa ngăn apoăng ‘na tơdroăng séa ngăn dêi Vi ƀan pơkuâ Kuô̆k hô̆i ‘na “Tơdroăng pêi pro Pơkâ kơxô̆ 88 hơnăm 2014 Kuô̆k hô̆i hneăng má 13 ƀă Pơkâ kơxô̆ 51 hơnăm 2017 Kuô̆k hô̆i hneăng má 14 ‘na hơ’lêh nếo tơdroăng pêi, kơxop mơ-éa hriâm phôh thong”. Xông tơpui a roh hôp má 24 dêi Vi ƀan pơkuâ Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i tối rơdêi: tơdroăng séa ngăn dêi Vi ƀan pơkuâ Kuô̆k hô̆i ‘na “Tơdroăng pêi pro Pơkâ kơxô̆ 88 hơnăm 2014 Kuô̆k hô̆i hneăng má 13 ƀă pơkâ kơxô̆ 51 hơnăm 2017 Kuô̆k hô̆i hneăng má 14 ‘na hơ’lêh nếo tơdroăng pêi, kơxop mơ-éa hriâm phôh thong’’ cho kal khât, châ mâu kăn teăng mâ ƀă kuăn pơlê rơhêng vâ ‘nâi plĕng.

Kăn xiâm hnê ngăn Kuô̆k hô̆i pơkâ thế Vi ban pơkuâ Kuô̆k hô̆i tơpui tối vâ khu râ kăn séa ngăn hriăn plĕng, pơtối tơmâng xo ƀă pơtối pêi cheăng ƀă Khu xiâm pơkuâ hnê hriâm – Hnê mơjiâng tuăn ngôa rơkê ƀă Chin phuh hdrối tơbleăng Khu pơkuâ Kuô̆k hô̆i tơkŭm séa ngăn a roh hôp tiah hmâ rêm khế 8 la ngiâ.