Kố cho roh mơhnhôk ki kơnâ xua tung tâi tâng pơ’leăng mâ mơngế lối 610.000 ngế dêi kong pơlê Kon Tum, kuăn pơlê hdroâng kuăn ngo châ vâ chê 55% tơdroăng rêh ối ối hên pá puât ƀă kơxô̆ rơpŏng hdroâng kuăn ngo ối tung rơpŏng kơtiê châ lối 95% kơxô̆ rơpŏng kơtiê dêi kong pơlê.

Vâ châ pơkâ pêi troh hơnăm 2025, kong pơlê Kon Tum ai sap ing 70% rơpŏng hdroâng kuăn ngo kơtiê, vâ chê kơtiê pơhlêh tơdroăng tơmiêt, tah lôi khôi túa ki ôh tá tro, mơ-eăm hlŭn ing kơtiê; lối 25% rơpŏng kơtiê ƀă vâ chê kơtiê hdroâng kuăn ngo ai tơdroăng rêh ối kế tơmeăm khoăng, hiêm mơno châ tơniăn hôm, Khu pơkuâ cheăng Đảng kong pơlê Kon Tum pơkâ hên troăng pêi, môi tiah: mơnhông má môi hnoăng khu râ kăn pơkuâ dêi mâu khu râ kăn pơkuâ hnê ngăn cheăng Đảng ƀă troăng pêi ‘’Lăm rêm kơtâu, tơgôu rêm toăng hngêi’’, ‘’Mơ-eăm pêi kô châ tơƀrê’’, ‘’Râng kŏng hnê tơdroăng cheăng’’; pêi pro mâu Tơdroăng pơkâ xiâm tơnêi têa...