Kon Tum: Tơbleăng tơdroăng ki thâ ƀă 2 tơmeăm troăng klông ƀă long rơchôa hno têa a tơring Sa Thầy
Thứ năm, 14:00, 16/11/2023
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Viƀan kong pơlê Kon Tum hiăng pơkâ tơbleăng tơdroăng ki thâ ƀă tơmeăm ki rơnêu pro tíu tơhnah tơhnâp, tơ’nhê troăng kân kong pơlê 674 nếo Yaly – thôn Tam An, cheăm Sa Sơn – Ya Mô, pơlê Rẽ, cheăm Mô Rai ƀă tơmeăm rơnêu rơchôa long Đăk Ngao 1, tơring tơkăng kong Sa Thầy.
A pơkâ tơbleăng tơdroăng ki thâ ƀă 2 tơmeăm troăng klong ƀă rơchôa hno têa tơring Sa Thầy, Viƀan kong pơlê Kon Tum pơkâ thế Khu pơkuâ troăng prôk ƀă rơxế kơtâu ƀă Khu pơkuâ mâu tơmeăm rơchôa long têa kong pơlê Kon Tum thâ pro mơ-éa mơ’no liăn mơjiâng tơdroăng tơkêa bro thâ rơnêu tíu tơhnah tơhnâp, tơ’nhê ƀă 2 tơmeăm kơpêng mê.
Hdrối mê tung khế 6 ƀă khế 7 hơnăm 2023, kong mêi kân đi đo tung tơring Sa Thầy hiăng pro tơhnah tơhnâp, tơ’nhê mâu tơmeăm a troăng kana kong pơlê 647 nếo Yaly – thôn Tam An, cheăm Sa Sơn – Ya Mô, pơlê Rẽ, cheăm Mô Rai ƀă tơmeăm rơnêu rơchôa long Đăk Ngao 1, tơring tơkăng kong Sa Thầy.
Viết bình luận