Vâ kum tơniăn ăm kuăn pơlê ki lâi xuân ai Têt, roh Têt Lo hơnăm nếo Giáp Thìn hơnăm kố, kong pơlê hiăng pơkâ mơ’no lối 8 rơtal liăn tŏng kum vâ chê 16.800 rơpŏng kuăn pơlê ối tung rơpŏng kơtiê ƀă vâ chê kơtiê. Pơtối mê, kơlo tŏng kum ăm rêm rơpŏng kơtiê cho 600 rơpâu liăn ƀă rơpŏng vâ chê kơtiê cho 300 rơpâu liăn. Pakĭng Liên đoân pêi cheăng kong pơlê Kon Tum xuân diâp 2.700 kơxuô tơmeăm, rêm kơxuô kơnâ 500 rơpâu liăn ăm đoân viên, mơngế pêi cheăng ai tơdroăng rêh ối pá puât.

Rơtế a mê tung mâu hâi kố a kong pơlê Kon Tum, hên tơdroăng tŏng kum Têt ăm kuăn pơlê, ki má lối cho a kơpong hơngế, hơngo tơkăng kong xuân dế châ mâu khu râ kăn pơkuâ, khu râ, kơ koan, tíu cheăng thăm po rơdâ pêi pro.