Kố cho rôh kơjo kum ki má 2 tung hơnăm 2023 dêi  kơxô̆ liăn ngân Kong đoân. Khu xiâm ngăn mơngế pêi cheăng hiăng pơkâ pơtối tơbleăng kơxô̆ liăn tŏng kum ăm đoân viên, mơngế pêi cheăng kơnâ 145 rơtal liăn. Mê cho, mơngế pêi cheăng ki tro kơdroh chôu pêi cheăng rêm hâi, kơdroh kơxô̆ pêi cheăng tung măng tĭng  lơ tung khế; pơtê cheăng ing 14 hâi tơngi klêng la pêi lo liăn iâ, liăn kâ ki iâ dêi kơpong chêh tung hơp đông mê châ xúa môi rơtuh liăn. Mơngế ki pơtê  pơtân hơp đông, pơtê cheăng ôh tá ai liăn khế ing 30 hâi tơngi klêng (ôh tá riân tơdroăng kal tơná) châ xo 2 rơtuh liăn. 

Mơngế pêi cheăng ôh tá ai tơdroăng cheăng la ôh tá châ xo liăn ki kơjo kum ôh tá ai cheăng pêi tiô tối hdrối kô châ kơjo kum 3 rơtuh liăn. Luât pơkâ tŏng kum ôh tá pơkâ ƀă mâu ngế ki môi pâ pơtê hơp đông hmâng vâ, kô tro hôu, pơxâu, mơ’no tah, mơnúa cheăng ôh tá rơhéa tiô pơkâ lơ môi pâ ôh tá vâ pêi pro tro tiô tơdroăng tơhrâ, mơngế ki dế kâ liăn khế pơtê cheăng xua hơnăm hiăng krâ, kâ liăn kơjo kum rêm khế  xua rê pá ai ivá pêi cheăng.

Tơdroăng tơdah hồ sơ châ pêi pro sap mơ’nui khế 8, troh tâi khế 1/2023 ƀă ki hrá gá troh hâi lơ 31/1/2024. Mơ-eăm pê klêi tiô pơkâ kơxô̆ liăn kơjo kum ki hrá ó cho hdrối hâi lơ 31/3/2024.